Zure eginbehar orokorrak

Zure talde berria

Eskualdea eta eguraldia

Zure taldea eskualde batean kokatzen da, agian eskualde honekin loturaren bat daukazu. Eskualdeak zure inguru berdineko jendea ezagutu dezazun daude. Honez gain, eskualde bakoitzak bere eguraldi propioa dauka. Ez dago eskualderik beste batek baino eguraldi okerragorik edo hoberik duenik, alde horretatik denak berdinak dira beraz ez duzu kezkatu beharrik eskualde oker bat aukeratu duzulakoan.

Eguraldiak pare bat gauzetan du eragina, baina garrantzitsuenak jokalari batzuen errendimenduan eta ikusle kopuruan duen eragina da (euria ari duenean jende gutxiago etorriko da partida ikustera). Eskualdearen orrian gaurko eguraldia eta biharko iragarpena ikusi ahal izango dituzu. Gaurkoa egun eguzkitsua bada, aukera gehiago egongo dira (beste eguraldi motekin alderatuz) bihar ere eguraldi ona izateko, beraz eguraldia ez da erabat ausazkoa.

Nahi izatekotan eskualdez alda dezakezu aurre denboraldian. Dena den, 10 000 US$ kostatuko zaizu eta zure bazkideen %3ak taldea utziko du.

Gure gomendio onena

Ze maila du zure jokalariak?

Bizitza errealean jokalari bat "baleko aurrelaria" edo "atzelari oso ona" dela esaten dugu. Hattricken berdina egiten dugu jokalari baten maila azaltzerakoan. Izendapenak erabiltzen ditugu (eta ez bakarrik jokalarientzat), eta jokalarien dohainetarako eskala "ez daki"tik "jainkotiarra" mailararte doa. Izendapenen eskala guztiak gure apendizean ikus ditzakezu.

Jokalari ezberdinek dohain ezberdinak behar dituzte

Jokalari guztiek ez dute dohain guztietan iaioak izan beharrik, baina egoera fisikoa denentzat da garrantzitsua.  Batzuetan nahikoa da jokalari batek beste dohain batean bakarrik izatea trebetasuna, baina jokalari horri probetxu gehien hainbat dohainetan ona bada aterako diozu.  Zein dohainek (egoera fisikoaz gain) eragiten duten jokalari bakoitzaren jokoan, partida jokatzen duen kokapenaren araberakoa da:

Atezainak:

Erdiko atzelariak:

Hegal atzelariak:

Erdilariak:

Hegalekoak:

Aurrelariak:

Aldaketak jokalarien dohainetan

Adina

Nortasuna

Eskarmentua

Partida garrantzitsu asko jokatu dituzten jokalariek experientzia gehiago lortzen dute, eta experientzia honek etorkizunean lagunduko die era askotan. Experientziak golak sartu edo jasotzeko balio duten gertaera bereziekin zerikusia izan dezake, eta besteak beste taldeak antolakuntza mantentzera ere lagundu dezake. Experientzia ez dago jokalariaren gaitasunekin erlazionatuta. Jokatutako partida bakoitzagatik, partida motaren arabera, jokalariaren experientzia aldatu egingo da. Jokalari batek, guztira, 100 experientzia puntu beharko ditu experientzia maila berri batera igotzeko. Partida mota bakoitzagatik jasotako experientzia puntuak ondorengo taulan ikusi ditzakezu.

Total Skill Index (TSI)

Sasoia

Orduan eta sasoi hobean egon jokalari bat, orduan eta hobeto jokatuko du. Ez du fisikoarekin zerikusirik, ordea, ez du zerikusirik jokalariak zenbat entrenatzen duenarekin. Hattricken, sasoiak hainbat faktore konbinatzen ditu, jokalari bat bere potentzial osora iristea, edo bertatik urrun egotea, ahalbideratuz; bere bizitza pribatuan ze egoeratan dagoen irudikatu dezake, adibidez.

Jokalariaren orrian bere "oraingo sasoia" ikus dezakezu. Hori da partidetan erabiltzen dena. Jokalari "bikain" bat sasoi "penagarrian" jokalari "egoki" bat sasoi "onean" baino okerragoa da, kasu. Uneko sasoian eragin negatiboa du astean zehar entrenatu den egoera fisikoaren portzentaiak; orduan eta egoera fisiko gehiago entrenatu (portzentaia harturik) orduan eta eragin negatibo handiagoa.

Horrez gain, "sasoi ezkutu" bat dago ere, astero jokalariaren sasoiak norantz joko duen jakiteko erabiltzen dena. Astero, entrenamenduan, jokalarien uneko sasoia aldatuko da, sasoi ezkutuaren norabidean mugituz. Uneko sasoia ez da bat batean sasoi ezkutuaren baliora aldatzen. Honen ordez, hainbat astetan pausoka aldatzen joaten da, nahiz eta orduan eta urrunago ego sasoi ezkututik orduan eta pauso handiagoak izango diren.

Entrenamendu batetan uneko sasoia aldatu ondoren, ezkutuko sasoia ere aldatzeko probabilitate bat dago. Jokalari guztiek euren sasoi ezkutua aldatzeko probabilitate bera dute, eta ezin duzu ezer egin probabilitate honetan eragiteko. Hala ere, probabilitate honekin behin jokalariaren sasoi ezkutua aldatuko denean, hainbat faktore daude sasoi ezkutuaren maila berrian eragingo dutenak:

• Jokalariak astean zehar partidarik jokatu ote duen. Oso garrantzitsua da!
• Entrenamenduaren intentsitatea: orduan eta gogorrago entrenatu, orokorrean orduan eta sasoi hobea
• Zure entrenatzailea: orduan eta entrenatzaile hobea izan, orduan eta sasoi hobea orokorrean
• Sasoi Teknikaria - Sasoi Teknikaria espezialista da sasoia hobetzen.
• Laguntzaile teknikoak: hauek ere sasoia hobetzen laguntzen dute

Berezitasuna

Gutxi gora behera jokalarien erdiek "berezitasun" bat daukate, partiduetan nolabaiteko eragina izango dutenak. Bost berezitasun daude: "Teknikoa", "Azkarra", "Buruz-abila", "Bortitza" eta "Ustekabekoa". Berezitasun nagusi bakoitzak bere alde onak eta txarrak ditu eta Gertaera Bereziak atalean argitzen da. Taktika atalean azaltzen den bezala, berezitasun batzuk taktika zehatz batzuetarako erabilgarriak izan daitezke.

Berezitasun arraro bi ere existitzen dira: Sendaerraza eta Laguntzailea. Sendaerraza berezitasuna daukaten jokalariek euren lesioa pixka bat azkarrago sendatzen dute beste jokalariekin konparatuz eta lesioa lehun bat partidan bertan sendatzeko aukera dute. Laguntzaileak diren jokalariek zelaian beraien inguruan dauden jokalariei lagunduko diete. Arrakastatsu izatekotan, taldekideek hobeto jokatuko dute, baina, arrakastatsua ez izatekotan, taldearen antolakuntza maila jeitsi dezake.

Lesioak

Batzuetan jokalariek min hartzen dute. Kasu horietan, lesioa arina ez bada, jokalariak aste pare bat beharko ditu sendatzeko. Min hartzeko arriskua areagotu egingo da entrenamenduaren intentsitatea eta Teknikari Laguntzaileen kopuruak gora egiten duen heinean.

Jokalari helduek denbora gehiago behar dute osatzeko; medikuak kontrata ditzakezu azkarrago senda daitezen. Medikuek, gainera, min hartzeko arriskua murriztuko dute. Nolanahi ere, 40 urtetatik gertu dauden jokalarientzat zaila izango da lesio batetik osatzea. Horrez gain, kontuan izan min hartuta pasako duten denbora asteetan estimatzen dela (zure aurrelari onenak astebeteko lesioa badauka, asko jota astebete beharko du sendatzeko).

Txartel hori eta gorriak

Jokalariek txartelak ikus ditzakete partidetan, agresibitate handikoak direnek (batez ere eskarmentu gutxikoak eta zintzoak ez direnak) besteek baino gehiagotan. Bi txartel horirekin jokalaria zuzenean egotziko du epaileak. Kanporatua izanez gero, hurrengo partida ofiziala jokatu ezinik geratuko da jokalaria. Jokalari batek denboraldiko partida ofizialetan 3 txartel hori ikusten baditu, ezingo du hurrengo partida ofiziala jokatu. Liga, Kopa eta promozioko partidek berdina balio dute txartelen kasuan: jokalari batek ligan bi txartel hori ikusten baditu eta hurrengoa kopan ikusten badu, hurrengo partida ofiziala galduko du.

Zure jokalarien zerrenda begira dezakezu jokalari bakoitzak zenbat txartel dituen ikusteko. 3 txartel hori dituen edo aurreko partidan txartel gorria ikusi zuen jokalariak txartel gorri bat izango du jokalarien zerrendan, bere zigorra erakusteko. Zigortutako jokalarien txartelak partida ofizial bat jokatu ondoren garbitzen da. Denboraldi amaieran ere txartel guztiak garbitzen dira. Jokalari bat saldu arren txartelak mantendu egingo dira. Jokalari bat ezin da zigortua izan (edo txartelak garbituak izan) lagunartekoen eraginez.

Hasierako hamaikakoa eta ordezkapenak

Walkoverrak

Antolaketa aukeratzea

Taktikak eta partidaren garrantzia

Markaketa pertsonalaren agindua

Bakarkako aginduak

Partida simulazioaren oinarriak

Oinarrizko erasoak

Etxeko abantaila

Psikologia eta entrenatzaile mota

Taldearen puntuaketa da begiratu beharko zenukeen puntuaketa

Partida bat jokatu ondoren, taldearen atal bakoitzeko talde puntuaketa jasoko duzu. Puntuaketa horrek taldearen atal bakoitzak partida zer moduz jokatu duen erakutsiko dizu, eta puntuaketa hori da gainera partidan zehar kalkuluak egiteko erabiltzen dena.

Partidako puntuaketen izendapenak (eskala "ez daki"-tik "jainkotiarra"-ra doa) lau azpimailatan ere zehazten dira: oso baxua, baxua, altua eta oso altua. Horrela, maila jakin baten barnean zure puntuaketa nolakoa den jakitea errazagoa da. Horrela, "ona (oso altua)" "bikaina (oso baxua)" baino zertxobait okerragoa da, baina "egokia (oso baxua)" baino askozaz ere hobea.

Izar puntuaketak

Partida bakoitzaren ondoren zure jokalariek partidan emandako maila erakusten duen izar puntuaketa jasotzen dute. Gero eta izar gehiago, hobeto aritu diren seinale.

Mesedez kontuan izan izarrek jokalarien bakarkako jokoa neurtzen dutela kokapen bakar batean, eta jokala ezberdinak kokapen berean alderatzeko dela erabilgarria. Ez da taldearen indarra neurtzeko modu aproposa. Zure taldea orohar nola ibili den jakiteko (eta beste talde batzuekin alderatzeko) talde puntuaketei begiratu.

Mesedez kontuan hartu taldearen eraginak (erdiguneko postu batean jokalari bat baino gehiago izateak adibidez, ikus oinarrizko hamaikakoaren kapitulua) ez direla izarren puntuaketetan kontuan hartzen.

Egoera normal bat

Argi esanda, zelai erdian lortzen duzun puntuaketak partidan zehar edukiko dituzun gol aukera kopurua zehaztuko du. Taldearen beste atalek, berriz, aukera horiek golean amaitzeko izango duzun probabilitatea zehaztuko du.

Ondorengo taula zure hamaikakoa aukeratzeko lagungarria izan daiteke. Kontuan hartu hurbilketa bat dela soilik.  Elkarren ondoan dauden dohain batzuek errendimenduarengan oso antzeko eragina izan dezakete hainbat kasutan, baina beste batzuetan eraginen aldea nahiko handia izan daiteke. Gainera, bakarkako aginduak edo erdiguneko kokapen batean jokalari bat baino gehiago izatearen galerak (ikus aurreko kapitulua) ez dira kontuan hartu taula honetan.

Jokalarien adina eta dohain maila

Jokalari gazteak orokorrean zaharragoak baino ikasle azkarragoak dira, baina entrenamendu batean bakoitzak zenbat ikasiko duen dohain horretan duen mailaren araberakoa ere bada: gero eta maila baxuagoa, orduan eta entrenamendu azkarragoa.  Oso maila baxuen entrenamendua maila ertainen entrenamendua baino hainbat aldiz azkarragoa da, eta era berean maila oso altuen entrenamendua maila ertainena baino geldoagoa.

Entrenamenduaren intentsitatea

Geroz eta intentsitate handiagoa izan entrenamenduek, orokorrean hobea izango da taldearen sasoia, eta handiagoak izango dira entrenamendu motak sortutako ondorioak. Intentsitate maila erabaki dezakezu 0 eta 100 bitarteko zenbaki bat jarriz.  Intentsitate altu baten desabantaila jokalarien min hartzeko arriskua da, orduan eta intentsitate altuagoa, min hartzeko arriskua ere handitu egiten baita. Zerorrek aukeratu beharko duzu ze intentsitate maila komeni zaizun; foroan ere beste manager batzuei galdetu diezaiekezu.

Entrenamendu mota

Entrenatzaileak

Egoera fisikoaren entrenamendua

Egoera fisikoa astero entrenatu behar da, entrenamendu osoaren portzentai gisa. Eraginkortasuna jaitsi egingo da intentsitate maila altuetan - hobe da astero apur bat entrenatzea noizean behin asko egitea baino.  Jokalari zaharragoek egoera fisikoko entrenamendu gehiago beharko dute egoera fisikoaren maila mantentzeko. Hau da, erabiltzaileak taldearen eta bere helburuen artean portzentai orekatua bilatu beharko du.  Astean zehar zure taldean gutxienez 90 minutu jokatu dituzten jokalariek taldearen erresistentziako entrenamendu-efektuaren % 100 jasotzen dute. 90 minutu baino gutxiago jokatu dutenek (ordezkapen bat, adibidez) efektuaren % 75 jasoko dute, gehi jokatutako minutu bakoitzeko ehuneko bat. Entrenatzeko behar bezain osasuntsu dauden taldeko beste jokalariek (astean zehar zure taldean jokatu ez dutenek) (tirita duten jokalariak barne) efektuaren erdia baino ez dute jasotzen. Min hartutako jokalariek ez dute erresistentzia-entrenamendurik jasotzen.

Oinarrizko Printzipioak

Jokalari batek aste horretan jasoko duen entrenamendu kopurua zure taldean, entrenatzeko kokapen aproposean, jokatutako minutuen araberakoa izango da. Beste talderen batean jokatutako partidek sasoi entrenamenduran soilik edukiko dute eragina, eta jokalariak ez du entrenamendurik jasoko. Jokalari batek astean zehar minutu bat baino gutxiago jokatuko badu ez du entrenamendurik jasoko. Jokalari batek 90 minuturi dagokion entranemdua jaso dezake aste batetan. Kokapen aproposea 90 minutu baino gehiago jokatzeak ez dio entrenamendu gehiago emango. Gutxiago jokatzeak, 50 adibidez, 90 minututik 50 entrenatzea eragingo dio.

Jokalari batek posizio desberdinak bat baino gehiago jokatu bada, astean zehar, 90 minutu eman zion entrenamendurako eragin hoberenak prestakuntza eguneratzea at aukeratuko dira. partidetan jokalari Bakoitzaren jokabideak ez prestakuntza eragingo.

Hegaleko moduan jokatu duten jokalariek sortze-laneko entrenamendu erdia jasoko dute soilik. Berdina gertatuko da hegal atzelariekin hegalekoa entrenatzean.

Berdin dio jokalariak lagunarteko partida, kopakoa edo ligako jokatu duen, entrenamenduaren ikuspegitik berdinak dira. Dena den, partida hasieran jokalari nahikoa zelairatu ez badituzu, walkover garaipena emango diozu aurkariari, eta partida horretako entrenamendua galduko duzu. Ez duzu aste osoko entrenamendua galduko. Bestalde, partidara aurkeztu bazara, baina aurkariaren berririk ez baduzu, walkover gisa irabaziko duzu, eta hasierako hamaikakoak entrenamendu normala jasoko du, baina jokalariek ez dute eskarmenturik jasoko.

Parentesi arteko hitzek aldaketa txikiak adierazten dituzte. Parentesi bikoitzek berriz, aldaketa oso txikiak adierazten dituzte.

Adibidea

Taldeak aste honetan "hegalekoa" entrenatu du. Kontuan izan partida jokatzeko eguna desberdina izan daitekeela herrialde batetik bestera. “igandea” esaten dugunean ligako partidaz ari gara eta “asteazkena” lagunartekoaz edo kopako partidaz.

• Xabi Prietok 90 minutu jokatu zituen hegaleko bezala igandean baina asteazkeneko partidan ez zuen jokatu. 90 minutuko hegaleko entrenamendua jasoko du.
• Fernando Amorebietak 90 minutu jokatu zituen hegaleko moduan igandean beste 90 atzelari bezala asteazkenean. Berak ere 90 minutuko hegaleko entrenamendua jasoko du.
• Igor Gabilondok 50 minutu jokatu zituen hegaleko moduan igandean eta 90 hegal atzelari bezala asteazkenean. 50 minutuko hegaleko entrenamendu osoa jasoko du, eta 40 minutuko eragin gutxiako hegaleko entrenamendua.
• Patxi Puñalek 40 minutu jokatu zituen hegaleko bezala igandean, eta 90 aurrelari bezala asteazkenean. 40 minutuko hegaleko entrenamendu osoa jasoko du, eta 50 oso efektu txikiaz (entrenamendu "residuala" delakoa).
• Iker Muniainek 90 minutu jokatu zituen hegal atzelari moduan bai igandean baita asteazkenean ere. Hala ere 90 minutuko eragin gutxiko hegaleko entrenamendua jasoko du.
• Iban Zubiaurrek ez du ez asteazkeneko ez igandeko partida jokatu. Aste horretan partidarik jokatu ez duenez ez du entrenamendurik jasoko.

Dohainen beherakadak

Jokalari bat 30 urtetara gerturatzen den ahala, astero bere dohainen zati bat galtzen du. Beherakada honen zenbatekoa jokalariaren adinaren eta dohain horretan duen mailaren araberakoa da. Orduan eta dohain maila altuagoa, orduan eta beherakada handiagoa. Jokalari zaharragoek ere gazteagoek baino beharakada handiagoak jasaten dituzte.

Entrenatzailearen trebeziak

Entrenatzaile maila: entrenatzaile on batek jokalariak entrenatzeko metodo egokiak ezagutzen ditu. Entrenatzaileak zenbat eta talentu handiagoa izan, orduan eta eraginkorragoa izango da entrenamendua. Entrenatzaile bat ezin izango da inoiz 5. maila baino hobea izan (bikaina). Talde berri guztiak 3. mailako entrenatzaile batekin hasten dira (egokia).

Lidertza: Entrenamenduaren plangintzatik aparte, entrenatzailea zure jokalarien inspirazio iturri ere bada. Orokorrean, talde giroa hobea izango da zure entrenatzailea lider ona bada.

Taktikak: Zure entrenatzailea erasokorra, neutrala edo defentsiboa izan daiteke, taldearen partidetako puntuaketetan bakarrik eragiten duena. Entrenatzaile erasokor batek erasoa hobetzen du defentsa ahulago baten kaltean, eta entrenatzaile defentsibo batek defentsa hobetzen du erasoa sakrifikatuz. Entrenatzaile defentsibo batek entrenatzaile eraosokor batek erasoa hobetzen duena baino maila handiagoan hobetzen du defentsa, berdina sakrifikatuz. Entrenatzaile neutral bat ez da ez defentsiboa ezta erasokorra ere, beraz ez du zelaiaren zati bat hobetzen ezta okertzen ere.

Dohainen jaitsiera

Entrenatzaileak taldean denboraldi oso bat eman eta gero, bere lidertza maila pixkanaka jaisten hasiko da. Behin bere lidertza negargarrira erortzean, bere entrenatzaile maila jaisten hasiko da.

Entrenatzailearen aldaketa

Zure entrenatzailearekin gustura ez bazaude, beste bat kontrata dezakezu kanpoan, edo zure jokalarietako bat entrenatzaile bihur dezakezu. Jokalari batek gutxienez 16 astez egon behar izan du zure taldean entrenatzaile izendatu aurretik. Entrenatzailea alda dezakezu "Langileak" ataletik, "Nire kluba" menuan.

Gogoratu, maila jakin bat duten entrenatzaile guztiak maila berekoak dira. Entrenatzaile egoki (3) bat erosten baduzu, adibidez, beti egoki "medioa" izango da (entrenatzailea bikaina (5), entrenatzaile ona (4) baina puntu erdi hobea besterik ez da izango).

Entrenatzaile berri bat erostean entrenatzaile zaharra taldean geratuko da jokalari gisa, baina ezingo da inoiz berriro entrenatzaile bilakatu eta ezingo duzu saldu. Mantendu nahi ez baduzu kaleratu egin beharko duzu.

Kanpoko entrenatzaile baten erosketa

Teknikari bat kontratatzean, lehenik eta behin taktikoki zer motatako izango den erabaki behar duzu, eta ondoren zein mailakoa izango den. Lidertza eta entrenatzaile mailaren arteko konbinazio bakoitzak prezio jakin bat du, orduan eta entrenatzaile hobea orduan eta garestiagoa.

	Lidertza maila
Maila	pobrea (3)	ahula (4)	eskasa (5)	egokia (6)	ona (7)
	10 000 US$	10 000 US$	10 000 US$	10 000 US$	10 000 US$
	10 000 US$	22 800 US$	41 200 US$	65 100 US$	94 600 US$
	79 600 US$	182 800 US$	329 700 US$	521 000 US$	757 100 US$
	268 700 US$	617 100 US$	1 112 900 US$	1 758 500 US$	2 555 500 US$
	4 000 000 US$	4 388 400 US$	7 914 600 US$	12 505 200 US$	18 172 500 US$

Jokalari bat entrenatzaile bilakatu

Jokalari bat entrenatzaile egiten duzunean bere lidertza maila mantenduko du. Bere eskarmentuak lortu dezakeen entrenatzaile maila mugatuko du, eta maila jakin bat lortzeko ikasketetarako beharko den dirua ere zehaztuko du. Beraz, eskarmentu eta lidertza maila altuko jokalari bat baduzu, sekulako ganga izan daiteke entrenatzaile bihurtzea. Entrenatzailea izanez jokalari batek ezin du maila bat lortu bere esperientzia baino ozenago. Hala ere, jokalari bat denboraldi oso bat egon beharko da taldean (16 aste) bertako entrenatzaile bihurtzeko.

Irabaziak eta gastuak

Finantzen orrian aste honetarako erabilgarri duzun dirua eta aurreko asteko balantzea erakutsiko zaizkizu. Hau da bertako sarrerek esan nahi dutena:

Sarrerak

Zaleak: Etxeko ligako partidetako eta aste erdiko partidetako irabaziak. Ikus 10. Atala "Futbol Zelaia" horren inguruko datu gehiagorako.

Babesleak: Astero diru kopuru bat ematen dizute babesleek. Ikus "Zaleak eta Babesleak" atala datu gehiagorako.

Jokalarien salmenta: Jokalari bat saltzen duzunean irabaziak hemen agertuko dira. Informazio gehiagotarako ikusi salerosketen atala.

Komisioak: Dirurik jasoko bazenu aurreko taldea izateagatik edo jatorrizko taldea izateagatik hemen agertuko litzateke. Ikusi "Salerosketak" atala informazio gehiagotarako

Bestelakoak: Bestelako irabaziak hemen agertuko dira, hala nola bazkideen urteko ordainketa eta txapelketetako diru sariak.

Gastuak

Soldatak: Astero zure jokalariei euren soldata ordaintzen diezu. Jokalari bakoitzeko 250 US$ gehi bere dohain eta adinaren araberako kopuru bat ordaintzen duzu. Jokalari atzerritarrengatik %20 gehiago ordaintzen duzu.

Zelaiaren mantenua: Futbol zelaia mantentzearen asteroko gastuak. Ikus 10. atala "Futbol Zelaia" datu gehiagorako.

Zelaiaren eraikuntza: Zure zelaiaren eraikuntza edo birrintze lanen gastuak.

Langileak: Langile bakoitzak 1 020 US$ eta 33 840 US$ arteko kostua du astero, langilearen mailaren arabera (1etik 5era) eta kontratuaren luzeeraren arabera (aste 1etik 16 astetara).

Gaztetxoen bilaketa: Zure harrobiko asteroko gastua, edo bilatzaileen sarean astero inbertitzen duzuna.

Jokalarien fitxaketak: jokalari berriei dagozkien fitxaketen gastuak hemen agertuko dira. Informazio gehiagorako emaiozu begirada bat "Salerosketak" atalari.

Bestelakoak: Zure behin-behineko gastuak hemen biltzen dira, hala nola langileen kaleratzeak eta talde nagusira igotako jokalariak.

Interesak: Zorretan bazaude interes batzuk ordaindu beharko dituzu.

Erabilgarri duzun dirua eta Zuzendaritzaren erreserba

Managerrak soldatak, jokalarien salerosketak eta zelaiaren eraberritzea bezalako proiektuetan erabil dezakeen dirua mugatzen du Zuzendaritzak. Diru horretatik gaindi dagoena erreserban gordeko du Zuzendaritzak, taldearen etorkizuneko egonkortasuna bermatzeko. Beharrezkoa denean, Zuzendaritzak dirua itzuliko du erreserbatik kapital aktibora, baina neurrian.

Zure langile bezala kontratatu dezakezun Finantza zuzendariak erabilgarri dagoen kapitala eta erreserban dagoen diruaren itzulera portzentajea handitu ditzake.

Zorrak eta porrot ekonomikoa

Ezin zaitu ezerk dirua gastatzetik galarazi nahiz eta zure esku dirua zero izan. Zor txiki batzuk eduki ditzakezu, adibidez jokalari bat erosi edo entrenatzaile bat fitxatzeko. 200 000 US$-eko zorrera iristen zarenean iada ezingo duzu dirua nahi bezala gastatu. Bankuan 500 000 US$ kreditua duzu, baina utzitako diru honegatik interes potoloak ordiandu beharko dituzu. 500 000 US$tik gora zordunduz gero, bankarrota abisua jasoko duzu. Ez baduzu lortzen zure zorra 500 000 US$ mugaren pare edo azpitik egotea bi astetan, Hattricken liga-sistema utzi beharko duzu! Kontuan izan talde batek salgai dituen jokalariek "segurtasun-eremura" iristeko adina eskaintza badituzte edo taldeak funts batzordean nahikoa diru badu, taldea ez dela bankarrotan sartuko (hala ere, dagozkion interesak ordaintzen jarraituko da).

Zaleen umorea

Zure taldearen zaleek badute zeresana taldearen finantzei dagokionean. Bazkidetza txartelak (30 US$ bazkideko) denboraldi hasieran ordaintzen dira, baina hau baina garrantzitsuagoa da euren umorea, horren arabera jende gehiago edo gutxiago etorriko baita zelaira.

Beraien umorea goian mantentzeko eta zale gehiago erakartzeko modu errezena, beraien itxaropenak betetzea da. Zaleen uneko umorea zaleen orrian ikusi daitezke.

Denboraldirako itxaropenak

Denboraldi guztien hasieran, zaleek taldearengan espero dutena esango dizute. Beraien itxaropenak aurreko denboraldian gertatu zenaren, zaleek izan zuten itxaropenaren eta lortu ziren emaitzen araberakoa izango da.

Zure taldea liga sisteman gora (edo behera) doan ahala, zaleak pixkanaka egoera berriari ohituko dira. Igo berria bazara, zaleek ez dute asko esperoko zugandik. Baina maila berean urtea joan eta urtea etorri bazaude, zaleek zerbait gehixeagorako esperantzak izateko joera izango dute.

Partidarako itxaropenak

Denboraldiko itxaropenak, gainera, partida bakoitzeko itxaropenean eragina du. Zaleen orrian partida bakoitzean zer espero duten ikus dezakezu. Orokorrean, etxean jokatzen duzunean gehiago esperoko dute.

Partidaren emaitza espero zutena bada, zaleak pozik egongo dira irabazi baduzu (eta ez dira gehiegi haserretuko galtzen baduzu). Emaitza espero zutena baina hobea bada, oraindik gusturago izango dira. Baina emaitza okerragoa bada, euren umorean negatiboki eragingo du. Denboraldiko ligako lehen partidetan, zaleek emaitzekin izango duten erreakzioa lasaiagoa izango da.

Denboraldi hasieran, partidako itxaropena talde bien zaleek denboraldirako duten itxaropenean oinarritzen da. Denboraldia aurrera doan ahala, ligako postua eta lortutako puntu kopurua garrantzitsuago bilakatzen hasiko da. Kopako partidetan, zaleek denboraldirako duten itxaropenean bakarrik oinarritzen dute euren esperantza (zein mailan dauden kontuan hartuta).

Talde giroak eta bankuan duzun diruak eragina dute zaleen umorean

Zure jokalariei "Lasai jokatu" edo "Hil ala bizikoa" esateak eragina du zaleek partidatik jasoko dute eraginean. Emaitza esperotakoa bada (edo hobea), lasai jokatzeak eragin positiboa txikituko du, eta hil ala bizikoa bezala jokatzeak berriz handitu.

Emaitza espero baino okerragoa bada, lasai jokatzeak eragin negatiboa handituko du, hil ala bizikoa moduan jokatzean txikitu egingo duelarik.

Diru mordoa baduzu bankuan aurreztua, zailagoa izango da zaleak pozik mantentzea, arrakastara iristeko inbertitu dezakezun dirua duzula ikusiko baitute. Talde aberatsen zaleengan talde txiroago batzuetakoengan baino eragin handiagoa izango dute porrotek, eta txikiagoa garaipenek. Orduan eta diru gehiago izan, orduan eta garrantzitsuagoak izango dira sentimendu hauek.

Babesleak

Babesleak diru-iturri garrantzitsuak dira zure klubarentzat ere. Jarraitzaileek bezala, horrek esan nahi du talde batek zenbat eta arrakasta handiagoa izan, orduan eta gehiago ordainduko dutela. Babesleek ere euren artean lehiatzen badute ere, eta estrategia desberdinak erabiltzen badituzte zure taldea saritzeko, burua duen manager batek jakingo du horretaz baliatzen.

16. astean, denboraldi berria hasi aurreko astean, managerrak babesletza-eskaintza batzuk jasoko ditu hastear dagoen denboraldirako.

Talde bateko talde guztiek eskaintza zehatz bat jasotzeko aukera berdinak dituzte, baina kopuruak alda daitezke, babesleek klubaren jarraitzaileen mailan eta zatiketan oinarritzen baitituzte eskaintzak. Horrek esan nahi du klub guztiek jasoko dituztela eskaintza paregabeak, eta managerrak kontuz hausnartu beharko du taldeari zein izango den onena.

Kontratu guztiek barne hartzen dute asteko diru-sarrera finko bat. Horrez gain, ordainketa gehigarri bat edo gehiago izan ditzakete hobari gisa. Hauetako batzuk oso errazak izango dira sari txikiago baten truke lortzeko; beste batzuk, berriz, arriskutsuagoak izango dira, baina hobari potentzial handiagoarekin etorriko dira. Kontratuak denboraldia amaitzean amaitzen dira, eta une horretan beste kontratu-eskaintza batzuk izango dituzu aukeran.

Kontraturik aukeratzen ez baduzu, Batzordeak zure ordez egingo du. Beti aukeratuko dute arrisku-maila txikieneko kontratua eta, ondorioz, sari potentzial txikiena duena.

Irabaziak eta gastuak

Zure zelaiak lau eserleku edo harmail mota ditu, bakoitzak bere irabaziak eta asteroko mantenketa gastuak izanik (beti ordaindu beharko dituzunak).

Etxeko partidetako kroniketan mota bakoitzeko zenbat sarrera saldu diren ikusi ahal izango duzu. Partidetako irabaziak modu desberdinean banatzen dira taldeetan, partida motaren arabera:

Liga partidak: Etxeko taldearentzat dira irabazi guztiak.

< i>Kopako partidak: Etxeko taldeak irabazien % 67 jasotzen du, eta bisitariak gainerako % 33a, azken 6 errondetan izan ezik, horiek eremu neutralean jokatzen direnez, erdibana banatzen dira.

Lagunartekoak eta promoziokoak: Irabaziak erdinabanatu egiten dira.

Ikusle kopurua

Zure zelaira partida ikustera joaten den jende kopurua zure zaleen araberakoa da hein handi batean. Zure zaleen umorea eta zure bazkidegoaren tamaina dira faktore garrantzitsuenak. Sailkapenean duzun postuak eta zure postuaren eta aurkariarenaren arteko aldeak ere garrantzia dute (liga partidetan).

Zure aurkariaren zaleek ere (umoreak eta bazkidegoaren tamainak) badute garrantzi apur bat, horietako batzuk ere partida ikusi nahiko baitute. Normalean jendea partidak ikusteko gogo gehiagorekin egongo dira ligak aurrera egin ahala. Orokorrean ikusle kopuru gehiago izango duzu liga amaieran hasieran baino.

Eguraldiak ere badu bere garrantzia, noski. Zale gutxiago joango dira partidara eguraldi txarra badago, baina etortzen direnetako asko prest egongo dira sarrera garestiagoak erosi eta estalpean esertzeko. Beraz posible da edozein eguraldirekin guztizko irabaziak antzekoak izatea, mota bakoitzeko nahikoa eserleku badituzu.

Zelaia hobetzea

Ideia onda da mota guztietako eserlekuak eskaintzea zure zaleei. Jende gehienak harmailetako sarrerak nahi izango ditu, beraz hauen kopurua izna beharko litzateke handien. Batzuk eserleku onak izatekotan bakarrik joango dira partida ikustera (eta batzuek estalpean egon nahiko dute), beraz horietako dezente ere izan beharko zenituzke. Ondoren inguruko politikariak eta maila altuko jendea dago, palkoan esertzearekin bakarrik konformatuko direnak, ez dira gehiegi, baina komenigarria da horientzat ere eserleku batzuk izatea. Estalpeko eserlekuetako eta palkoko ikusleei ez die hainbeste eragiten eguraldi txarrak, besteei ez bezala.

Antolaketetan eskarmentua

Zure taldeak nahi duzun antoilaketaz jokatu dezake, baina eskarmentatuta ez dauden antolaketaz jokatzen badute nahastu egin daitezke, normalean baino okerrago jokatuz. Nahasmena saihesteko eta antolaketetan eskarmentatzeko antolaketa horiekin praktika besterik ez dute behar. Antolaketa bat erabiltzen duzun bakoitzean jokalariei antolaketa horretan duten eskarmentua igoko zaie (lagunartekoak eta partida ofizialak berdinak dira horretarako, baina ez eskilara, duelu edo Hattrick Masters). Antolaketa bakoitzarekin jasotzen duzun eskarmentua minutuen araberakoa da (gehienez 90 minutu partidako), entrenamenduetan bezala. Dena den, walkover bidez irabazi baduzu baina gutxienez 9 jokalari zelairatu badituzu, formakuntzaren experientzia jasoko duzu partidako 90 minutuak jokatu izan balira bezala. Hala ere, gero eta maila altuagoetan orduan eta zailagoa da eskarmentua metatzea. Antolaketa jakin batekin jokatzen ez baduzu, jokalariek antolaketa horretan duten eskarmentua pixkanaka jaisten joango da. Jokalari bat saltzen duzun bakoitzean ere antolaketa eskarmentuan jaitsiera bat pairatzeko arriskua duzu.

Nahasmena

Zure jokalariek erakunde batekin esperientzia nahikoa ez badute, partidan zehar nahas daitezke., euren jokoa okertuz. Eskarmentu maila bikain bat (edo hobea) nahikoa da nahasmenik izango ez duzula ziurtatzeko. Maila baxuagoetan, orduan eta baxuagoa orduan eta handiagoa da nahasmena pairatzeko probabilitatea. Jokalarien guztizko eskarmentu propioa (ikus beherago) altua bada ordea, nahasmena jasateko arriskua txikiagoa izango da.

Nahasmena pairatuz gero ere antolaketako eskarmentuak zehazten du nahasmena zenbaterainokoa izango den: orduan eta eskarmentu baxuagoa, orduan eta nahasmen handiagoa. Nahasmena jasaten baduzu, partidaren kronikan une horretan taldeak duen organizazio maila agertuko zaizu. Organizazioa "penagarria" jaitsi dela ikusten baduzu oso txarra dela esan nahi du, eta "ona" dela ikusten baduzu nahasmena txikia dela esan nahi du. Atsedenaldian (edo luzapenaren aurretik) jokalariak nahastuta badaude, entrenatzaileak nahasmen hori nolabait murriztu daiteke hitzaldi txiki batekin.

Jokalarien eskarmentu propioa

Eskarmentuak eragin onuragarria dauka zelain diren jokalariengan. Jokalariek partidak jokatuz jasoko dute eskarmentua. Nazioko Kopako eta Mailako kopetako partidek ligakoen eskarmentu bikoitza emango dizute, gutxi gorabehera. Ohorezko eta Kontsolazio kopetako partidetan ligako neurketetako eskarmentuaren erdia lortuko dute. Nazioarteko lagunarteko batek gutxi gorabehera ligako partida baten eskarmentuaren bostena ematen du, eta zure herrialde bereko aurkari baten kontra jokatutakoek, nazioarteko lagunartekoen erdia. Eskarmentu gehien selekzioarekin jokatzen diren partidek ematen dute, eta, ondoren, Hattrick Mastersekoek.

Jokalari bakoitzak jasotzen duen eskarmentua jokatutako minutu kopuruan oinarritzen da, entrenamendua bezala. Jokalari batek ezin du 90 minuturi dagokiona baino eskarmentu gehiago jaso partida bakoitzean.

Kapitaina eta guztizko eskarmentua

Partida bakoitzerako kapitain bat aukera dezakezu. Eskarmentua eta lidertza maila dohain garrantzitsuak dira kapitainarentzat, taldearen guztizko eskarmentua kalkulatzerakoan haren mailek bonusa ematen baitute - horrek zure taldeak nahasmena izan edo partida garrantzitsu eta dramatikoetan urduri jartzea saihestea lagunduz. Halako egoeratan, eskarmentu baxuena duen taldea bakarrik jarri daiteke urduri, beren eskarmentu falta agerian utzita. Bi taldeen eskarmentu mailaren arteko aldeak zehaztuko du zenbateraino jarriko diren urduri. Hau ez da gertatuko ez Ligako partidetan ezta ere lagunartekoetan.

Kapitainak hasierako hamaikakoan egon behar du. Kapitain bat izendatu ez baduzu, jokalariek izendatuko dute beren ustez egokia dena.

Penalty jaurtitzaileak

Luzapenaren ondoren berdinketak badarrai, kopako eta promozioko partidak penalti jaurtiketetan amaitu daitezke. Zure penalti jaurtitzaileak hamaikakoaren orriaren atal berezi batetatik aukeratu beharko dituzu. Juartitzaileak aukeratzean gogoratu sekulako urduritasuna egoten dela une horietan, eta, beraz, penalty horietako bakoitzean (ez partidan zehar dauden penalty normaletan) jaurtitzaileari eskarmentu froga bat egiten zaiola. Esperientziaz gain, jokalariaren Errematea eta Baloi Gelditua trebetasunak (baita Teknikoa espezialitate duen ere) kontuan hartzen dira. Atezainentzat, Atezainatza maila eta Azkarra espezialitatea dira kontuan hartzen diren bakarrak.

Baloi gelditua

Zure eraso normal batzuk baloi geldituko jokaldietan amaituko dira. Futbol errealean bezala puntu asko lortu ahal izango dituzu baloi geldituan ona izanez. Bi baloi geldituko jokaldi mota daude, falta zuzenak eta ez zuzenak.

Jaurtiketa zuzenak

Falta ez zuzenak

Faltazko gol aukeren herena inguru falta ez zuzenak izango dira, hauek talde lana izanik. Erasotzeko, garrantziaren arabera ordenatuak, zure zelaiko jokalarien batazbesteko errematea, baloi gelditua, eta zure baloi geldituen jaurtitzailearen baloi gelditua hartzen dira kontuan. Defenditzeko, ordenean, zelaiko jokalarien batazbesteko defentsa, baloi gelditua, zure atezainaren atezaintza eta bere baloi gelditua hartzen dira.

Gertaera bereziak

Eraso normalez gain, "gertaera bereziak" ere lortu ditzakezu. Gertaera berezi hauek jokalarien ezaugarrien arabera, batez ere berezitasunen arabera ematen dira eta beraz berezitasun hauek ondo orekatuak dituen talde bat osatzea ere estrategia bilakatzen da.

Bi gertaera berezi mota daude: taldearen gertaera bereziak eta jokalariaren gertaera bereziak. Taldearen gertaera berezi bat edukitzeko aukera baloiaren jabetzaren araberakoa da (baloi jabetzaren %55a baduzu, gertaera berezia edukitzeko %55-eko aukera izango duzu).

Jokalariaren gertaera bereziak jokalariaren berezitasunetan oinarritzen dira. Berezitasunak dituzten jokalari asko edukitzeak abantaila eman dezake, baina ez da inporta duen gauza bakarra. Jokalariek jokatzen duten postuaren arabera berezitasun zehatz bat behar dute gertaera bereziak sortzeko. Garrantzitsua da taldean berezitasunekin oreka bat lortzea.

Partida bateko gertaera berezi bakoitzak, hurrengo gertaera berezi bat sortzeko aukerak murrizten ditu.

Eguraldiaren egoerak

Berezitasun batzuk dituztenak hobeto edo okerrago moldatzen dira eguraldi mota bakoitzarekin. Eguraldiak jokalari guztiengan du eragina partida amaitu arte.

Jokalari teknikoen gaitasun guztiak %5 igotzen dira eguzkitan jokatzean, baina portzentai berdinean jeisten dira euripean.

Jokalari bortitzen gaitasun guztiak %5 igotzen dira euritan jokatzean, baina portzentai berdinean jeisten dira eguzkipean.

Jokalari azkarrek %5a galtzen dute euri eta eguzkipean.

Eguraldiak jokalariengan zerikusia duenean, horri buruzko informazioa jasoko duzu partidako txostenean eta jokalariaren izar kopuruan ere bere errendimendu jaitsiera nabarituko da.

Goleko gertaerak

Berezitasunek (eta jokalarien beste atributek) gol-aukera gehiago eman diezazkezuke. Beheko aipamenetaz gain, jokaldia amaituko duen jokalariak (askotan, baino ez beti, aukera sortzen duen jokalariak berak) erremate pixka bat ere izan beharko du aukera horretatik gola lortzeko.

Ustekabeko jokalariek, atezainak, erdialdeko defentsak edo hegaleko defentsak badira, euren paseen dohaina erabil dezakete ezusteko pase luzeak sortzeko. Aldi berean, erdilariak, hegaleko jokalariak edo aurrelariak badira beraien erremate dohaina erabili dezakete baloia berreskuratzeko. Honez gain, atezainak izan ezik, beste guztiek beraien ustekabekotasuna gol aukera bereziak sortzeko erabili dezakete. Zenbat eta baxuagoa izan ustekabeko defentsa edo erdilari baten defentsa maila, gero eta handiagoa izango da bere akatsak egin eta arerioari gol aukera bat emateko aukera. Honez gain, pase maila baxua duen hegaleko jokalari batek edo aurrelari batek kaosa sortu dezake defentsan, arerioarentzat gol bat sartuz.

< b>Azkarra : erdilariek, hegalekoek eta aurrelariek gol-aukera bat sor dezakete, beren abiadura erabiliz barnekaldi azkar bat eginez. Aukera horri aurre egin diezaioke aurkariaren taldeak, defentsa (erdikoa edo hegalekoa) azkarra erabiliz. Halaber, zure kontraerasoen taktika-mailan hobakuntza bat lor dezakezu zelai gainean duzun erdilari, hegaleko edo aurrelari bakoitzeko. Zure aurkariak efektu hori baliogabetu dezake erdilariak, hegalekoak, erdikoak edo atezain azkar bat zelairatuz (hobaria erabat deuseztatu arte bakarrik, ez du eraginik taktikaren hasierako mailan).

< b>Teknikoa : erdilariek, hegalekoek eta aurrelariek aukera bat sor dezakete atezain, defentsa edo aurkariaren erdilari bat buruz abila bada (buruz abila denak ez du guztiz kontrako posizioan egon behar). Gainera, zelaian duzun erdiko edo hegaleko bakoitzak aukera txiki bat emango dizu kontraeraso espontaneo bat sortzeko aurkariak huts egindako aukera arrunt batetik. Jokalari honek zenbat eta pase gehiago eman, orduan eta aukera gehiago hori sortzeko.

Hegaleko nahikoa dohain duten hegalekoek beste hegaleko, erdilari edo aurrelari batek amaitu beharko dituzten gol-aukerak sortu ditzakete. Beste jokalari hori buruz abila bada edo nahikoa erremate dohain baditu, errazagoa izango zaio gola lortzea. Gauza biak baditu oraindik ere erreztazun gehiago izango du.

Kornerra: Kornerretik gola lortzeko aukera gehiago izateko, hau jaurtitzeko ardura duen jokalariak baloi geldituko nahikoa dohain izan beharko ditu. Honez gain, zure zuzenean golera ez doazen baloi geldituetako erasoko gaitasuna arerioaren zuzenean golera ez doazen baloi geldituetako defentsako gaitasuna baino altuagoa izateak aukera gehiago emango dizkizu. Bi korner mota daude. Lehenengoan, kornerra jaurtitzen duen jokalaria kontuan hartu gabe, arerioak baino buruz habilak diren jokalari gehiago badituzu zelaian aukera gehiago izango dituzu gola sartzeko. Buruz habila den inor ez baduzu oso gaizki defendituko dituzu kornerrak eta oso zaila izango da zuk kornerren batetan gola lortzea. Bigarren motan, baloia jasotzen duen jokalariaren gol sartzeko gaitasunaren araberakoa izango da gola sartzeko aukera. Kontuan izan kornerretan erasoan dagoen taldeak txartel horia jaso dezakela, baina zure jokalariak iada txartel hori bat badu, lasaiago arituko da kornerrean eta txartela jasotzeko aukerak murriztuko dira.

Eskarmentua: eskarmentu altuko aurrelariek hori erabili dezakete gola lortzeko. Eskarmentu gutxiko erdiko atzelari eta hegaleko atzelariek gol-aukera bat eman diezaiokete aurkariari.

Nekea: Defentsibo jolasten duten erdilari nekatuek akatsak egin ditzakete. Aurkariaren erasotzailea ere nekaturik ez badago, gol-aukera bat jaso dezakete.

Bestelako gertaera batzuk

Partidan gerta daitezkeen bestelako gertaera batzuk ere badaude. Gertaera horiek izateko probabilitatea ez da zelai erdiaren araberakoa, beraz, nahiz eta baloiaren jabetza altuagoa izan, ez duzu horiek jasotzeko probabilitate handiagoa izango.

Kontraerasoak: Nahiz eta kontraerasoaren taktika ez erabili badago probabilitate txiki bat zure taldeak kontraerasoak antolatzeko. Taktikarekiko "independienteak" diren kontraeraso hauek ez dute behar zelaierdi ahulagoa izatea (taktikarekin beharrezkoa dena). Ikus taktikei buruzko atala kontraerasoei buruz gehiago ikasteko.

Urruneko jaurtiketak: Nahiz eta urrunetik jaurtitzeko taktika ez erabili badago aukera txiki bat zure taldeak urruneko jaurtiketazko abadagunea sortzeko. Irakurri taktiken atala urruneko jaurtiketei buruz gehiago ikasteko.

Erdilari bortitzak, defensibo jokatu eskero, arerioaren erasoak zapuztu eta baloia berreskuratzen arituko dira. Presioa arrakastatsua bada arerioaren erasoa bertan behera geratuko da. Hau egin ahal izateko, bere sasoia eta defentsa maila hartuko dira kontuan.

Aurrelari Bortitzak, normal jokatu eskero, beraien gorputza leku egokian ipini ahalgo dute, lehenengo aukeran huts egin ondoren bigarren aukera bat sortu eta gola sartzeko. Honetarako sortze-lana eta erremate maila altuak berharko ditu. Kontuan eduki beraien joko fisikoak txartel horiak jasotzeko erreztasuna emango diela. Dena den, jokalariak lehen txartel horia jaso badu, bere indarra neurtuko du hurrengo ekintzetan.

Penalty asko egingo dituzu ondorengo berezitasunak dituzten bi edo hiru jokalari gehiago zelaraitzen badituzu postu hauetan: Aurrelari defentsibo teknikoak, aurrelari bortitz normalak eta erdilari defentsibo bortitzak. Mota bereko bi jokalari ipini eskero penaltya jasateko aukera %4 igoko da bakoitzagatik. Hiru jokalari ipini eskero aukera are handiagoa izango da (%7.5 jokalari bakoitzagatik).

Taktika maila

Taktika batekin zer moduz jokatzen duzun, taktika horretan duzun mailaren araberakoa da. Maila hau jokalari ezberdinen dohainekin eta parte hartzen duen jokalari bakoitzaren eskarmentuarekin kalkulatzen da.

Presionatu

Taktika honekin zure jokalariek aurkariak presionatuko dituzte, ta gehiago konzentratuko dira aurkarien erasoak gelditzen zeureak sortzen baino. Presionatzea ona izan daiteke okerragoa zarela uste baduzu, eta gol gutxiko partida nahi baduzu.

Abantaila: Partida batean egon daitezken gol aukera kopurua murriztu dezakezu (bi taldeentzat).

Desabantaila: Zure jokalariak normalean baino azkarrago nekatuko dira.

< b>Trebetasun garrantzitsuak: defentsarako trebetasun osoak eta jokalari guztien erresistentziarako trebetasunak zehazten dute zure maila presioa egiteko taktikan. Jokalari batek "indartsu" espezialitatea badu, bere defentsarako trebetasunak bikoitza balio du. Zure jokalariak zenbat eta nekatuago egon, orduan eta gaitasun gutxiago izango dute aurkariak presionatzeko.

Kontraerasoa

Kontraerasoen taktikaz, baloiaren jabetza aurkariari nahitaz ematen diozu, eta golaukera bat huts egiten duten bakoitzean kontraeraso azkar bat egiten saiatzen zara. Kontraerasoez jokatzea oso eraginkorra izan daiteke defentsa eta eraso indartsua baina zelaierdi txarra baduzu, batez ere zure aurkariak eraso ahula badu.

Abantaila: Eraso gehigarriak lortu ditzakezu (zure defentsak aurkariaren eraso bat gelditzean kontraerasorako aukera izango duzu).

Desabantaila: Zure zelaierdiko mailaren %7a galduko duzu.

Dohain Garrantzitsuak: Zure atzelarien pase eta defentsa dohainen baturak zehazten du kontraeraso maila. Paseak defentsa baino bi aldiz garrantzitsuagoak dira.

Erditik eraso

Erditik erasotzeko taktikaz, taldea bere erasoak zelaiaren erdi aldetik egiten saiatuko da, hegalak gutxiago erabiliz. Honek esan nahi du hegaletik joan beharko litzatekeen eraso bat erdira bideratzeko aukera egongo dela. Hau gertatzen den bakoitzean hurrengo erasoan berdina egiteko aukera murriztu egingo da.

Abantaila: Zure hegaleko erasoen %15-30 inguru erdiko eraso bilakatuko dira.

Desabantaila: Zure hegaleko defentsa (bi aldeetan) zerbait okertzen da.

Dohain Garrantzitsuak: Zelaiko jokalarien paseen dohainen baturak zehazten du izango duzun erditik erasotzeko taktika maila.

Hegaletatik eraso

"Erditik eraso" taktikak bezalako eragina du Hegaletatik Erasotzeko taktikak, baina justu alderantziz. Hau da, erdiko eraso batzuk hegaletako eraso bilakatuko dira. Normalean erditik hegaletatik baino eraso gutxiago egiten direnez, portzentualki eraso gehixeago bilakatuko dituzu. Lekuz aldatzen den eraso bakoitzagatik hurrengoa berbideratzeko aukerak murriztuko dira.

Abantaila: Zure erdiko erasoen %20-40 inguru hegaletako eraso bilakatuko dira.

Desabantaila: Zure erdiko defentsa zerbait ahulduko da.

Dohain Garrantzitsuak: Zeilaiko jokalarien paseen dohainen baturak zehazten du Hegaletatik Erasotzearen taktika maila.

Sormenez jokatu

Sormenez jokatzean zure jokalariak euren berezitasunak gehiago erabiltzen saiatzen dira, eta baita beste ezaugarri batzuk ere.

Abantaila: Partidan zehar bi taldeek gertaera bereziak izateko aukera handitzen da baina zure taldearen aukerak pixka bat handiagoak izango dira (bai positiboak eta baita negatiboak ere).

Desabantaila: Zure defentsa zerbait okertuko da.

Urruneko jaurtiketak

Urruneko jaurtiketekin jokatzean zure jokalariak jokaldia amaierararte antolatzen saiatu ordez urrunetik jaurtitzen saiatuko dira. Hau da, erdiko eta hegaletako erasoak urruneko jaurtiketengatik ordezkatzen dituzu. Jaurtiketa batean jaurtitzailea eta atezaina alderatzen dira. Hau baliagarria izan daiteke zure erdiko/hegaletako eraso normalekin golak sartzeko zailtasunak badituzu eta jaurtitzaile onak badituzu.

Abantaila: Urruneko jaurtiketen taktikak erdiko eta hegaleko erasoen asko jota %30 inguru ordezkatzen ditu.

Desabantaila: Zure hegaleko eta erdiko erasoetan, eta baita zelaierdian ere, okerxeago jokatuko duzu.

Dohain Garrantzitsuak: Zelaiko jokalarien erremate eta baloi gelditu dohainek zehazten dute Urrunetik Jaurtitzeko taktika maila. Errematea baloi gelditua baino hiru aldiz garrantzitsuagoa da.

Eraso bat urruneko jaurtiketa bilakatzen denean, presioaz defenditzen ari den edozein taldek jaurtiketa moztu dezake aukera ezerezean utziz. Jaurtiketa moztua ez bada zelaiko jokalari batek jaurtiko du (erdilariek eta hegalekoek jaurtitzeko probabilitatea bikoitza da). Jaurtiketaren kalitatea jaurtitzailearen erremate eta baloi geldituko dohainen araberakoa da, eta ondoren atezaina jaurtiketa gelditzen saiatzen da bere atezaintza eta baloi geldituko dohainak erabiliz. Bai jaurtitzailearentzat eta baita atezainarentzat ere: bi dohainak eduki behar dira, eta hobe da bakoitzetik pixka bat izatea batetik asko baino.

Urruneko jaurtiketen aukera guztiak agertzen dira partidako kronikan, baita ezerezean geratu direnak ere.

Aurrez baldintzaturiko ordezkapenak

Aurrezko baldintzaturiko ordezkapen bat ezartzea

Bakarkako aginduak aldatzea

Bost agindu ezar ditzakezu

Aginduak baldintzak betetzen direnean ematen dira

Zure agindu guztiak partidaren aurretik ezarritako baldintzak bete bezain pronto emango dira. Baldintzak betetzen ez badira, ez dira aginduak emango. Agindu bat 65. minutuan egiteko ezartzen baduzu beste baldintzarik gabe, agindu hori 65. minutuan beteko da. Agindu bat 70. minuturako eta zure taldea irabazten badoa ezartzen baduzu, agindu hori 70. minututik aurrera beste baldintza betetzen den bezain laster emango da. Beraz markagailuan aurretik 80. minutuan jartzen bazara, orduan emango da agindu aldaketa hori.

70. minuturako bi agindu ezartzen badituzu, bat aurretik bazoaz eta beste gol bat baino gehiagogatik aurretik bazoaz, eta minutu horretan 3-0 irabazten bazoaz, bi aginduak emango dira une horretan.

Kontuan har ezazu: Bi ordena adibidez terminoak (berekin itxuratu baditu minutua eta emaitza), haiek ez dira exekutatuko une berean, baina sortu ziren ordenan egingo dute.

Ezin duzu min hartzeetarako ezer prestatu

Talde giroa

Zure taldeko atmosferak eragin handia du zure taldeko errendimenduan. Talde giroak zure zelaierdiko balorazioan eragiten du, eta talde giroa gero eta hobeagoa izan, zure zelaierdia hobeagoa izango da. Honek, zenbatekoa izango da zure baloi-jabetza zehazten du. Talde giroa bera hainbat faktoretan oinarritzen da, baina batez ere entrenatzailearen lidertza mailan, partida bakoitzari ematen diozun garrantzian, salerosketetan eta psikologoan.

Talde segurtasuna

Partidaren garrantzia

Partida ofizial bakoitzaren aurretik, partidak zenbateko garrantzia duen esaten diozu taldeari. Partidaren garrantziaren arabera baloi jabetza altuagoa edo baxuagoa izango duzu. Hiru aukera dituzu:

Hil ala bizikoa: Jokalariek duten guztia emango dute partida irabazteko. Hala ere, partida amaitzean talde giroa jaitsi egingo da eta beraz jokalariak ez dira euren onenean arituko hurrengo partidetan.

Normala: Jokalariak normal arituko dira.

Lasai jokatu: Jokalariak lasai arituko dira, etorkizunean baitatoz partida garrantzitsuagoak. Partidaren ondoren talde giroa igo egingo da, eta beraz jokalariak hobeto ibiliko dira hurrengo partidan.

Jokalarien pertsonalitatea

Partidako gertaera psikologikoak

Entrenatzaileak ezarritako aginduez aparte, partidaren nondik norakoak eragina izan dezake jokalariaren jarreran. Horrelako gertaera psikologikoek eragin handia izan dezake partida jakin batean, baina ez dute eraginik etorkizuneko neurketei begira talde giroan eta segurtasunean. Bi goleko abantaila duen talde batek automatikoki utziko dio erasoari arreta jartzen, eta defentsan esfortzu handiagoa egingo du. Eragin hori areagotu egingo da abantaila handituz gero:Areagotu helburua diferentzia helburua bakoitzak gutxitzen eraso% 9 eta% 7,5 handitzen defentsa. Murrizteko helburua diferentzia helburua bakoitzak aurrekoa efektu alderantziz. Ez dago goi helburua 8ko diferentzia, taldearen balorazioak Zein ondoren aldatzen gelditu egingo muga bat da.

Zenbait egoeratan, taldeek eragin psikologikoari aurre egingo diote. "Denboraldiko Partida" jokatzeko aginduak eman badituzu, jokalariek ez dute erasoko puntuazioa galduko, nahiz eta abantaila garbiarekin irabazten joan. Gauza bera gertatzen da taldeak Kopa nazionaletako batean final bat jokatzen badu, Munduko Kopa edo Hattrick Masterseko eta azken serie denboraldiko Kopako gainean.

Horrez gain, lehen zatian normalean baino okerrago jokatu duen talde batek, atsedenaldian epelak entzun ditzake aldagelan, eta jarrera berriarekin zelairatu.

Azpiestimazio

Zure taldea baino posizio okerragoan dagoen aurkari bat baduzu eta zure talde segurtasuna sendoa edo hobeagoa bada, zure jokalariek aurkaria gutxiestea suerta liteke eta ondorioz euren maila onena ez ematea ere. Hau gertatzeko duzun arriskua bi taldeen arteko puntu diferentzian eta bien taulako posizioen baitan dago, baita zure talde segurtasunaren mailaren eta zure taldeak partidarako duen jarreraren baitan ere. Ezberdintasuna zenbat eta handiagoa, maila handiagoa, etabar... arriskua handiagoa izango da. Hau ez gertatzeko modu bakarra 'Hil ala biziko' partida jokatzea da.

Zure aurkaria gutxiesten duzunean, puntuen diferentzia, konfidantza maila, taldearen jarrera eta etxean edo kanpoan jokatzeak erabakitzen du zenbat gutxiesten duzun. Atsedenaldian duzun emaitzaren arabera, gutxiespen hori errekuperatu dezakezu: guztiz, galtzen bazoaz; 2/3ean berdinduz gero eta 1/3ean aurretik bazoaz.

Kontuan izan gutxiespena ligako partidetan soilik gertatzen dela, baina ez lehen hiru jardunaldietan.

Jokalari bat saltzea

Jokalari bat saltzeko, salerosketa merkatuan ezarri behar duzu, jokalariaren orritik egin dezakezu. Bere gutxieneko salneurria aukeratu behar duzu. Jokalariaren benetako balioaren ideia bat izateko 'Antzeko salmentak' lotura klikatu dezakezu non antzeko baldintzak dituen jokalarien salneurriak ikus ditzakezun. Dena den, jokalariak gutxienez partida bat jokatu beharko du zure taldean salgai jarri ahal izateko, eta ezin duzu jokalaria zurekin jokatu duen partida kopurua baino gehiagotan salgai ipini. Muga hori ez da ezartzen zure harrobitik igotako jokalarientzat edo taldea jaso zenuenean taldean bertan zetozen jokalarientzat. Jokalaria hiru egunez egongo da salerosketa merkatuan, eta ondoren eskaintza handiena egin duen taldera joango da, baten batek eskaintza bat egiten badu. Jokalari bat enkantea amaitzen den bezain pronto desagertzen da talde zaharretik berrira joateko, bi taldeetako bat momentu horretan partida bat jokatzen ari ez bada behintzat. Kasu horretan partida amaitzean iritsiko da talde berrira. Eroslerik ez badago zure taldean jarraituko du. Gogoratu, behin jokalari bat salerosketa merkatuan jartzean ez duzu atzera jotzerik. Saldu nahi ez duzula erabakitzen baduzu, jokalaria mantentzeko modu seguru bakarra zerorrek berriro erostea da!

Jokalari bat erostea

Jokalari bat erosteko salerosketa merkatura jo behar duzu, Klubaren menutik, Nazioartea menutik edo goiko eskuineko iskinak aurkitzen den Salerosketak lasterbidetik. Ze jokalari mota nahi duzun aukeratu eta enkantearen orrira joateko jokalariaren izenean sakatu behar duzu. Une horretako eskaintza %2an edo 1 000 US$tan handitu behar duzu, bietan handiena. Eskaintzarik egina ez badago eskatzen den prezioa bera eskaini ahal izango duzu hau 1 000 US$ edo handiagoa bada. Kontuan izan zure eskaintza guztien batura gehi eskaintza egina diezun jokalari horien soldaten baturak (erosi bezain laster lehen soldata ordaintzen baituzu) ezin zaituela 200 000 US$ baino gehiagoko zorretan jarri.

Eskaintzak enkantearen amaierararte jarri ahal izango dituzu. Amaieraren aurreko azken hiru minutuen barnean eskaintza bat ezartzen bada, enkantea luzatu egingo da, amaiera eskaintza horren unetik hiru minutura ezarriz.

Eskaintza automatikoak

Eskaintza automatikoek eskaintza normalek bezala funtzionatzen dute. Gehienezko eskaintza bat ezartzen baduzu, sistemak automatikoki egingo ditu eskaintzak, beti ahalik eta kopuru txikiena igota (%2, gutxienez 1 000 US$).

Gehienezko eskaintza edozein unetan alda dezakezu (handitu edo txikitu), baina, noski, ezingo duzu uneko (handiena) eskaintza ezabatu. Zeuk soilik ikusiko duzu zure gehienezko eskaintza, gainontzeko erabiltzaileek zure uneko eskaintza soilik ikusiko dute.

Eskaintza automatiko bakarra izan dezakezu batera. Zure gehienezko eskaintza toperaino iritsi bada, jada ez da eskaintza automatiko bat, eta, beraz, beste eskaintza automatiko bat ezar dezakezu, nahi izanez gero.

Kasu berezietarako (bi taldek eskaintza automatiko bera egiten dutenean edo bi eskaintza automatiko une berean ezartzen direnean) logika erabili dugu. Hemen dituzu hainbat adibide.

Ordezkaria, jatorrizko taldea eta salmenta primak

Jokalari bat salerosketa merkatuan jartzea 1 000 US$ kostatzen da. Behin salduta jokalariaren ordezkariak, jatorrizko taldeak eta aurreko taldeak saldu den prezioaren zati bat hartuko dute. Jokalariaren orrian bera salduz gero zuretzat izango den portzentaia ikusi dezakezu. Hemen dituzu oinarriak:

Ordezkariak jasotzen duen kopurua jokalariak zure taldean daraman denboraren araberakoa da.

< i>Jatorrizko taldea den klubak salmenta-prezioaren % 2 jasotzen du beti. Prestakuntza-eskubideak dituen kluba zarenean, % 2 jasotzen duzu jokalari hori saltzen den bakoitzean. Mesedez, kontuan izan harrobiko jokalari bat lehen aldiz saltzen duzunean ez duzula dirurik jasotzen prestakuntza-eskubideengatik.

Aurreko taldeek beti salmenta prezioaren %3a jasotzen dute, denera eta ez bakoitzak. Zeu zarenean aurreko taldeetako bat, jasoko duzun kopurua jokalariak zure taldean jokatu zuen denboraren araberakoa da.

Ikus taula hauek datu gehiagorako.

Salerosketako dirua zuzendaritza batzordera doa

Salerosketa batzuen kasuan, zuzendaritza batzordeak diru kopuru bat erreserbara eraman dezake klubak beranduago erabiltzeko aukera izan dezan.

Hau soilik jokalari berezi batzuekin gertatzen da, eta manager gehienentzako oso gertaera arraroa izango da.

Zuzendaritza batzordeak jokalari salgai ipintzera zoazenean esango dizu ea hau gertatuko den, eta holan bada, zein portzentaia gordeko duten erreserbetan.

Zuzendaritza batzordeak hau egin dezake jokalari bat espekulazio prozesu baten barne dagoela pentsatzen badu, edo dirua ezkutatzeko trikimailu bat baino ez dela uste badute. Jokalaria ordezkatu beharrik ez dagoela pentsatuko dute eta horregatik dirua etorkizunerako gordeko dute.

Gaur egun, dirua erreserbetara mugitzeko orduan, batzordeak soilik atezainak (gutxienez ona maila dutenak) edo etorkizunean entrenatzaile honak izan daitezkeenak (gutxienez eskarmentu eskasa eta lidertza ona dutenak) edukiko ditu kontuan.

Batzarrak erreserbetara bidaltzen duen salmentaren ehunekoa jokalari horrek zure taldearentzat duela gutxi jokatu dituen partiden araberakoa izango da.

Oro har, ohiko jokalarien kasuan, diru guztia erabilgarri geratuko da (ez doa ezer erreserbetara). Ohiko jokalaria izateak esan nahi du astean gutxienez 60 minutu jokatzea.

Ez dira kontuan hartzen lesioagatiko absentziak, baina zenbat eta gehiago utzi kanpoan jokalari bat osasuntsu egonda, orduan eta diru gehiago joango da erreserbetarako.

Adibidez: "jokalari lingote" irizpideekin bat datorren jokalari bat normalean denboraldiko ligako partida guztiak jokatzen aritu da. Managerrak jokalariari saltzea erabakitzen duenean, Batzarrak ez du esku hartuko, eta jasotzen diren diru-sarrera guztiak (komisioak deskontatu ondoren) eskuragarri egongo dira. Hala eta guztiz ere, salmentan jartzeak ez du arrakastarik eta jokalaria aulkian geratuko da. Bi asteren ostean, salmenta potentzial baten ondorioz lortutakoaren % 12 erreserbetara joango litzateke. Lau asteren ondoren, ehuneko hori % 24raino igoko litzateke. Puntu honetan, managerrak berriro lerrokatzen du. Hamaikakora beste sei astez itzuli ondoren, ligako edo kopako partidak jokatuz, jokalaria berriro saldu ahal izango da, Batzarreko erreserbetara dirurik joan gabe.

Erpuruaren erregela bezala, hiru aste daramatza ligako edo kopako partida jokatu eta bi asteko jarduera eza berreskuratzen. Lagunartean bakarrik jokatzen badu, errekuperazio-denbora bikoitza izango da. Jokalari bat zure harrobitik atera bada, dirurik ez da erreserbetara joango, nahiz eta trebetasunengatik eta jarduerarik gabeko egoeragatik izan. Azken bi asteetan iritsi diren jokalariek ere parte hartuko dute, hamaikakoan tokia egiteko astirik izan ez badute ere.

Salerosketek talde giroa aldatu dezakete

Zerbitzariaren itxierak

Joko Garbia Salerosketa Merkatuan

Jokalari onak eta dirua Hattrickeko giltza dira, beraz oso garrantzitsua da inor ez baliatzea salerosketa merkatutako ekintza ezohikoekin abantailarik lortzeko. Hortaz, debekatuta dago jokalariak prezio puztuetan erostea, baita ere talde baten finantzak edonola dela ere hobetzeko edozein ekintza. Jokalariaren ezaugarriek ezarriko dute soilik zein izan daitekeen haren merkatu salneurria: trebetasun mailek, adinak, bereiztasunak, NT/U21 potentzialak eta abar.

GameMasterrek puztutako prezioak izan dituzten salmentak atzera botatzeko edo prezioa aldatzeko eskumen osoa dute, baita taldeei isunak jarri edo erabiltzaileak zigortzekoa ere. Garbi baduzu eskaintza puztu bat jaso duzula enkantean zenuen jokalari bategatik, jar zaitez GMekin berehala harremanetan. Horretarako, zoaz harremanetan jartzeko orrira.

Mailen zuhaitza

Ligako maila kopurua ezberdina izan daiteke herrialde batetik bestera, baina oinarrizko estruktura berdina da beti. Adibidez, honelakoa da Italiako liga sistema:

1 I. maila (A seriea)
4 II. maila (II.1, II.2, II.3, II.4)
16 III. Maila (III.1, III.2, etab. III.16rarte)
64 IV. Maila (IV.1, IV.2, etab. IV.64rarte)
256 V. Maila (V.1, V.2, etab. V.256rarte)
1024 VI. Maila (VI.1, VI.2, etab. VI.1024rarte)
1024 VII. Maila (VII.1, VII.2, etab. VII.1024rarte)
2048 VIII. Maila (VIII.1, VIII.2, etab. VIII.2048rarte)
2048 IX. Maila (IX.1, IX.2, etab. IX.2048rarte)
4096 X. Maila (X.1, X.2, etab. X.4096rarte)
4096 XI. Maila (XI.1, XI.2, etab. XI.4096rarte)

Kontuan izan VI. mailan hasita, mailen tamaina bi mailatan behin bikoizten dela.

Igoera, jaitsiera eta promozioa

Zure multzoa irabazten baduzu goiko mailara zuzenean igo edo horretarako promozioa jokatuko duzu. II-VI. mailetan puntu gehien dituzten txapeldunak zuzenean igotzen dira, beste txapeldunek promozioa jokatu behar dute. Maila baxuagoetan txapeldun guztiak zuzenean igotzen dira. Zenbaki bakoitiko mailetan (VII, IX etab.) bigarren sailkatua ere zuzenean igotzen da.

Promozioa jokatu behar duten txapeldunek gaineko mailako 5. edo 6. sailkatu baten aurka jokatu beharko dute. Promozioa jokatzen duen txapeldun onenak 6. sailkatu okerrenaren aurka jokatuko du, eta txapeldun okerrena 5. sailkatu onenaren aurka arituko da. Goiko mailako taldeak etxean jokatuko du. Promozioko partida behe mailakoak irabazten badu, bi taldeak mailaz eta multzoz ordezkatuko dira. Goiko mailakoak irabazten badu, bakoitza zegoen tokian geratuko da.

Bukatzen baduzu leku 7 edo 8 zatiketa beheko duzu izango da jaitsiko da (maila baxuena izan ezik). 6an zatiketa gainetik, erregistro onena (talde onena horiek leku 7 akabera kanpo) batera mailaz jaitsi taldeak sustatu taldeak duten indartsuena erregistroak ditu serie trukatu egingo. mailaz jaitsi txarrena diskoarekin taldeak, talde ahulena duten irabazi du, sustapena lekuak trukeak. zu 6an zatiketa (edo maila bat beherago) tik jaitsi bada, mailaz jaitsi zen errekorra onena taldeak sustatu taldeak duten txarrena erregistroak ditu serie trukatu egingo.

VII. eta IX. mailetan, 3. eta 4. postuan amaitzen duten taldeek igotzeko promozio partidak jokatuko dituzte, eta VIII. eta X. mailetan 2. postuan amaitzen dutenek jokatuko dute igoerako promozio partidak.

Multzoz aldatu aldaketen leihoan

Zure taldea herrialdeko hiru maila apalenetako batean ari bada, maila horretako beste multzo batera aldatzeko aukera izango dizu. Horretarako, jokatu nahi duzun multzoan leku libreren bat egotea ezinbestekoa da; denboraldi-aurrean ikusiko duzu halakorik dagoen. Horrez gain, Supporter gisa talde gehigarri bat baduzu, zure taldeek ezingo dute multzo berean jokatu.

Bot taldeen jaitsierak eta igoerak

Denboraldi bakoitzaren amaieran, VI. mailan edo maila baxuagoan dauden bot talde guztiak ahalik eta maila apalenera jaisten dira. Salbuespen bat dago, baina: VI. mailan irabazle geratzen diren bot taldeek promozioa jokatu edo zuzenean igoko dira. V. mailatik gora dauden bot taldeek benetazko entrenatzailea duten taldeen arau berak dituzte jaisteko edo igotzeko garaian.

Bot taldeak mailaz jaisten direnean, azpiko mailako taldeek beteko dute haien lekua. "Zorioneko galtzaileen" artean aukeratuko ditugu. Alegia, promozioko partidak galdu dituzten taldeen artetik zozketa moduan aukeratuko ditugu, eta ezin izango duzu zozketa horretan parte hartzea saihestu -zaleek, jokalariek eta bazkideek ez lukete halako erabakirik onartuko.

Maila apaleneko erabiltzaileak, gainontzeko dibisioetako bot-ak baino gutxiago badira, sitemak maila baxuena automatikoki itxiko du, horretarako prestaketa lanak burututa.

Liga postua eta sailkapena

Sariak

Lehen, bigarren, hirugarren edo laugarren postuan amaitzen baduzu sari bat jasoko duzu dirutan. Zenbat jasoko duzun jokatzen duzun mailaren araberakoa da:

Igoerako gainsaria

Mailaz igotzen bazara, multzoko postuagatik jasotako diruaz gain, beste gainsari bat jasoko duzu. Horrez gain, igoerari esker bazkidegoa handituko duzu: %10 bazkide gehiago izango dituzu (era berean, mailaz jaisten bazara, bazkidegoaren %10a galduko duzu). "Dohainik" igotzen bazara ordea bazkidegoaren handitzea bakarrik izango duzu. Honen adibidea bot ezabapenari zor izandako igoerak izango dira eta Hattrick International ligako denboraldi bakoitzeko sustapen leku gehigarriak.

Kopako partidak

Kopako partidak astean zehar jokatzen dira beti. Nazio eta Mailako kopen lehenengo erronda ligako lehen jardunaldia baino egun batzuk lehenago jokatzen da beti. Ohorezko Kopa Nazio edo Mailako kopetan kanporatutako taldeek jokatzen dute, eta, arrazoi horregatik, Ohorezko Kopa aurreko biak baino astebete geroago jokatzen da. Nazio Kopa eta Mailako Kopa bakoitzak bere Ohorezko Kopa dauka. Zein kopatan parte hartzen duzun eta kopa horretako lehen aurkaria astebete lehenago iragartzen dira. Hurrengo kanporaketetan, zure hurrengo aurkaria eta zein kopa iragarriko dira, egungo kopako partida guztiak amaitu eta gutxira.

Kopako zozketak

Arau orokorra, kopan dagoen talderik indartsuenak etxetik kanpo jokatuko duela kopan dagoen talderik ahulenaren aurka. Hori erabakitzeko, koparen sailkapen bat erabiltzen dugu, aurrerago azalduko duguna.

Kopako azken sei kanporaketetan, sailkapenak jada ez du eraginik etxean edo kanpoan jokatuko den, partida guztiak egoitza neutraletan jokatzen baitira.

Kopako zozketa

Nola erabakitzen da zure kopako aurkaria? < br/> < br/> Lehen txandan, ondoen sailkatutako taldeak txarrenari egin beharko dio aurre. < br/> < br/> Lehenengo txanda hasten denean, bigarren txandako zozketa erabakita dago. Zozketa horretan, hobekien sailkatutako taldeek euren partidak irabazi eta txapelketan jarraituko dutela onartzen da.

Sailkapen txikiagoa duen talde batek lehen kanporaketa irabazten badu, bigarren kanporaketarako irabazi duen aurkariaren postua lortuko du. Horrela, beste modu batean lortuko zukeena baino aurkari errazagoa lortzen du. < br/>Baina, abantaila horrek ez du luze irauten. Bigarren txanda hasi baino lehen, hirugarren txandako zozketa eginda dago. Lehenengoan bezala, ondoen sailkatutako taldeek okerrenen aurka jokatuko dute.

Sistema honen abantaila da, kopako edozein txandatan, gainerako talde guztiek dakitela zer gertatuko den hurrengo kanporaketara joanez gero. Beti dago beste partida bat non irabazleak hurrengo kanporaketan zure partidako irabazlearen aurka jokatuko duen.

Hona hemen Hattricken zozketek nola funtzionatzen duen erakusten duen adibide bat:

1. Lehenengo kanporaketan, hurrengo 16 talde eta bikoteak ditugu:

Lehenengo kanporaketa

Ranking16-Ranking1
Ranking15-Ranking2
Ranking14-Ranking3
Ranking13-Ranking4
Ranking12-Ranking5
Ranking11-Ranking6
Ranking10-Ranking7
Ranking9-Ranking8

Bigarren kanporaketako parekatzeak lehenengo txanda hasi aurretik ezagutzen dira, eta honako hauek dira:

Ranking8-Ranking1
Ranking7-Ranking2
Ranking6-Ranking3
Ranking5-Ranking4

Hala ere, 16 eta 14 taldeek mundu guztia harritu dute eta euren partidak irabazi dituzte. Hori dela eta, bigarren txandako bikoteak hauek izango dira:

Ranking8-Ranking16
Ranking7-Ranking2
Ranking6-Ranking14
Ranking5-Ranking4.

Hirugarren kanporaketako zozketa egiten denean, sistemak ondoen sailkatutako taldeek irabaziko dutela aurreikusten du, eta honako parekatze hauek sortzen ditu:

Ranking8-Ranking2
Ranking6-Ranking4

16. taldeak berriz irabazten badu, 8. taldearen lekua eskuratuko du. 14. taldeak irabazten badu berriz, 6. taldearen lekua lortuko du.

Koparen sailkapena

Kopako sailkapena Kopako zozketa sortzeko erabiltzen da. Sailkapen estatikoa da, Kopa hasi ondoren aldatzen ez dena. Sailkapenaren lehen faktorea taldeak denboraldi honetan zein mailatan jokatzen duen da. Jarraian, taldeak honela sailkatzen dira maila talde horien barruan:

1. Jaitsitako jabedun taldeak
2. Jaitsi edo igo ez diren jabedun taldeak
3. Euren kabuz igo diren taldeak
4. "Dohainik" igo diren taldeak (jaitsitako bot-ak ordezkatuz)
5. Bot-ak, toki librerik balego.

Goiko multzoetako taldeak denboraldi amaierako sailkapenaren arabera sailkatzen dira. Sailkapena berdin mantentzen da kopak irauten duen bitartean.

Bigarren mailako kopa bati lotuz geroago

For Challenger and Consolation cups, the time of entry is also factored into the seed. Teams who entered early are guaranteed to be seeded higher than those who joined later. The Cup ranking of each team still matters, but only to decide in which order teams that entered on the same date will be seeded.

One example would be that your team manages to stay in the National Cup until round 5 or 6 before getting eliminated. As your Cup journey continues in a lower-tier Challenger Cup, you will always be seeded lower than teams that joined before you. The highest-ranked team of those who entered in the first round will play against the lowest-ranked team of those who entered most recently.

Kopa motak eta formatuak

Nazio Kopa da herrialde bakoitzeko koparik garrantzitsuena. Seigarren mailan edo maila altuagoan jokatzen duten hezur haragizko erabiltzaile guztiek jokatuko dute. Talde onenek izango dute soilik Nazio Kopa irabazteko aukera, baina txapelketan aurrera egiten duten guztiek izango dute saria.

Dena den, zure taldea Nazio Kopatik azkar kanporatzen badute, bigarren aukera bat izango duzu. Nazio Kopako lehenengo sei errondetan kanporatzen bazaituzte, Ohorezko hiru Kopetako batean jokatuko duzu. Ohorezko Kopa ere erakargarria izango da, baina ez duzu Nazio Kopan bezain besteko onurarik jasoko. Ahal izanez gero, Nazio Kopan irauteak beti merezi du.

Hiru Ohorezko Kopen izena Esmeralda, Rubi eta Zafiroa da. Esmeralda Kopan Nazio Kopako lehenengo eta seigarren errondetan kanporatutako taldeek parte hartuko dute. Bigarren eta bosgarren errondetan kanporatutako taldeek Rubi Kopa jokatuko dute. Eta hirugarren eta laugarren errondetan kanporatutakoek Zafiro Kopa jokatuko dute. Hiru kopak eta Nazio Kopa paraleloan lehiatzen dira, eta bakoitzak bere irabazlea izango du. Mesedez, kontuan izan Ohorezko Kopek beste izen bat izan dezaketela jokatzen duzun herrialdean.

Esmeralda Ohorezko Kopako eta Rubi Ohorezko Kopako lehenengo errondan kanporatutako taldeek Kontsolazio Kopa jokatuko dute. Kopa horrek ez dizu dirurik ez bestelako onurarik ekarriko, baina irabazleak garaikurra izango du.

Sei maila baino gehiagoko herrialdeetan, zazpigarren mailako edo maila apalagoetako taldeek Mailako kopak jokatuko dituzte. Mailak antzekotasun asko ditu kopa nagusiarekin eta Ohorezko Esmeralda, Rubi eta Zafiro kopekin. Desberdintasun bakarra, irabazitako diruan datza, askoz gutxiago izango da.

Kopen tamaina pertsona batek kontrolatutako sailkatutako taldeen araberakoa da. Pertsona batek kontrolatutako talde guztiek jokatzea probesten duen kopa txikiena jokatuko da. Pertsonen talde guztiak barruan daudenean, libre dauden lekuak bot taldeekin beteko dira.

1. Pertsonen batek kontrolatutako talde kopurua neurtzen da.
2. Talde horiek guztiek jokatzea ahalbidetzen duen kopa txikiena aukeratzen da.
3. Kopa pertsonen taldeekin beteko da lehenik.
4. Liga sistemako bot taldeek parte hartuko dute.
5. Hori nahikoa ez balitz, bot talde berriak sortuko lirateke, Kopa horretarako soilik.

• Nazio Kopako lehenengo eta seigarren errondetan kanporatutako taldeek Ohorezko Esmeralda Kopa jokatuko dute.
• Nazio Kopako bigarren eta bosgarren errondetan kanporatutako taldeek Ohorezko Rubi Kopa jokatuko dute.
• Nazio Koparen hirugarren eta laugarren errondetan kanporatutako taldeek Zafiro Ohorezko Kopa jokatuko dute.
• Esmeralda Ohorezko Kopako eta Rubi Ohorezko Kopako lehenengo errondan galtzen duten taldeek Kontsolazio Kopa jokatuko dute.

Eragina taldeengan

Kopen eremu garrantzitsuenetako bat, eskaintzen dituzten aukera taktikoak dira. Kopan luze jarraitzeak partida lehiakor gehiago jokatzea ahalbidetuko dizu, eta talde segurtasuna eta giroa hobetzeko aukera gehiago izango duzu ligako partidak prestatzeko. Kopako partidekin, gainera, zure jokalariek eskarmentu gehiago izango dute, eta sarreren salmentekin batera, errentagarriagoa izango da Kopan luze jarraitzea. Nolanahi ere, Kopa guztiek ez dute eragin bera izango zure taldean.

Kopako partida guztietan txartelen eta min hartzeen eragina beste lehia ofizialetakoa bezelakoa izango da. Kopako norgehiagoka batean txartel gorria ikusten baduzu, zure jokalariak ezingo du hurrengo ligako jardunaldian jokatu.

Talde giroa, segurtasuna & zaleen umorea: Nazio eta Mailako kopek soilik izango dute eraginik horiengan. Gainontzeko kopetan jokatutako norgehiagoketan lagunartekoetako eragin bera izango dute talde giro, segurtasun eta zaleen umorean.

Eskarmentua: Nazio eta Mailako partidek ligako norgehiagokek ematen duten eskarmentuaren bikoitza emango dizute. Ohorezko eta Kontsolazio partidetan, berriz, zure jokalariek ligako partidetan jasoko luketen eskarmentuaren erdia jasoko dute.

Kopako irabaziak

Kopan ibilbide arrakastatsua izatearen abantaila garrantzitsua sarren salmentekin ateratako dirua da. Gero eta erronda gehiago jarraitu kopan, orduan eta ikusle gehiago izango dituzu, eta, ondorioz, diru gehiago jasoko. Nazio eta Mailako kopek Ohorezko eta Kontsolazio kopek baino arrakasta askoz gehiago dute zaleengan. Nazio eta Maila Kopek (azken errondetan, behintzat) ligako partidetan bezain beste zale erakar dezaketen bezala, gainontzeko kopek lagunarteko partiden antzeko zale kopurua erakarriko dute. Nazioko Ohorezko Kopako partida batek, bi talde horien arteko nazioarteko lagunarteko batek erakarriko lukeena baino hiru aldiz zale gehiago erakarriko ditu. Nazioko Kontsolazio Kopako partidak, berriz, nazioarteko lagunartekoak baino bi aldiz zale gehiago erakarriko ditu. Mailako Ohorezko Kopako partiden kasuan, bi talde horien arteko nazioarteko lagunartekoak baino bi aldiz zale gehiago erakarriko ditu. Mailako Kontsolazio Kopako partidak, nazioarteko lagunartekoko zaleen %50 gehiago erakarriko du.

Etxeko taldeak sarreren salmentaren 67% jasoko du, eta, kanpokoak, 33%. Azken sei errondetan, taldeek erdibana banatuko dituzte irabaziak 50/50. Orokorrean, zaleek ez diote arreta gehiegi jartzen lehen kanporaketei, baina gero eta interes gehiago jarriko dute, kopan aurrera egin ahala. Eta, noski maila apaleko taldeen zaleek maila handikoen aurka jokatzeko gogoa izango dute, baina kontrako aldean ez da horrela izango. Kopako talde onenek diru-saria izango dute, beheko taulan ikus dezakezun bezala. Kopan ez dago goleatzaile onenaren saririk.

Nazio kopa

Lagunartekoa lortzea

Lagunarteko partida bat lortzeko modurik errazena zure taldea lagunartekoen poltsan sartzea da, lagunartekoen orritik egin dezakezuna. Aukeratu zein arerio eta partida mota nahi duzun, eta, ondoren, poltsak zuzenean zure taldea beste batekin parekatuko du eta lagunartekoa hitzartu (zure taldeak zure kriterioak betetzen dituen talde baten kriterioak betetzen dituen bezain pronto).

Kopatik kanporatu bazaituzte, eta oraindik lagunartekorik hitzartu ez baduzu, beste partidarik ez duten taldeak desafia ditzakezu. Talde batzuk ezingo dituzu desafiatu euren lehentasunengatik edo Manager Baimeneko egoeragatik.

Zure desafio guztiak, eta jaso dituzunak, "Lagunartekoak" orrian ikusi ahal izango dituzu. Desafio bat onartzen den momentuan partida sortuko da, partiden orrian agertuko da, eta hamaikakoa aukeratu ahal izango duzu partiden orritik.

Sasoi amaierako lagunartekoak

Sasoi bakoitzeko 15. eta 16. asteetan, asteburuetan lagunartekoak jokatzeko aukera izango duzu, promozio partidarik ez baduzu, behintzat.

Tarte honetan, lagunartekoen hitzartzea apur bat desberdina zango da. Erronka bat botatzean, lagunartekoa asteburukoa edo astean zeharrekoa den aukeratu ahal izango duzu.

Asteburuko erronkak luzatzeko leihoa, astelehena 06:00etatik ostirala 23:59ra egongo da irekita, nazioarteko zein nazio barruko lagunartekoetarako.

Lagunarteko motak

Lagunarteko partidak bi motatan bereizten dira: normalak eta kopako arauekin. Kopako arauekin partida luzapenean (edo penalty jaurtiketetan) erabakiko da berdinketa badago 90 minutuak amaitzean.

Nazioarteko lagunartekoak

Atzerrian jokatzea aukera dezakezu, edo kanpotar bat zure zelaira ekartzera gonbidatu. Atzerrian jokatzen baduzu, herrialde horren ordutegian izango da partida. Adibidez, Portugalen jokatzen baduzu, partida Portugaleko asteazkenetako partidetako orduan jokatuko da (kasu honetan, CET orduko 9:45pm).

Edonora zoazela ere zure taldeak asteartean 18:00etan (CET) bidaiatuko du, eta osteguneko 08:00etan (CET) itzuliko da. Nazioarteko lagunartekoak beranduenez asteartean hitzartu behar dira, eta ezin duzu beste partidarik hitzartu hurrengo asterako taldea ostegunean etxera itzultzen den arte. Zure taldeak nazioarteko lagunartekorik jokatu ez badu, osteguneko 06:00etan hasi zaitezke hurrengo asterako nazioarteko lagunarteko baten bila.

Atzerrira egiten duzun bidaia bakoitza 6 000 US$ kostatuko zaizu, baina hala eta guztiz ere nazioarteko lagunartekoak ikustera normalean jende gehiago joaten da zelaira.

Bestelakoak

Lagunartekoetara partida ofizialetara baino dexente jende gutxiago joaten da oro har ikusle gisa. Kopako arauak dituzten lagunartekoetara jende gehiago joaten da, eta nazioartekoetara oraindik gehiago.

Segurtasunean eta talde giroan ez du eraginik egingo, ezta ere zaleen umorean. Hala eta guztiz ere, min hartzeko arriskua ez da txikiagoa izango lagunartekoa izateagatik.

Zelai neutralean jokatzea

Lagunarteko bat jokatu nahi baduzu inork etxeko abantaila izan gabe, zelai neutral batean joka dezakezu. Hala ere, zure eskualdean jokatzen baduzu, etxeko abantaila jasotzen jarraituko duzu (nahiz eta "bisitari" moduan egon partidaren izenean). Zelaiaren jabeak ez du irabazirik izango partida horiengatik.

Berdin dio non erabakitzen duzun jokatzea, atzerriko talde baten aurka jokatzen duzun partida bakoitza nazioarteko lagunartekoa izango da.

Txapelketa bat sortzen edo harekin bat egiten

Hattrick Arenak txapelketak sortzeko sistema malgua du. Beste jende batzuek sortutako txapelketetan parte har dezakezu edo zeure burua sor dezakezu zuretzat eta zure lagunentzat, arau pertsonalizatuak erabiliz lehiaketa interesgarriagoa izan dadin.

Txapelketa bete bezain laster, automatikoki hasiko da, eta, horrez gain, foroa sortuko da. Txapelketa "sinple" bat hasi baino 72 ordu aurretik beteta ez badago, astebete atzeratuko da lehiaketa. Txapelketa "aurreratu" bat hasi baino 24 ordu lehenago beteta ez badago partida, ahal den heinean, hurrengo egunera mugituko da.

Oinarrizko txapelketa partidak astelehenetan jokatzen diren bezala, bestelako txapelketak asteko edozein egunetan joka daitezke.

Partidu egunak Hattrick Arenan

Partidak zelai neutroan jokatzen dira eta ez duzu ikusleengatik irabazirik jasoko (eta ez duzu bazkiderik jasoko fan klubean).

Dibisio-batailak eta Torneoak

Txapelketetako partidek ez dute eraginik zure taldean edo zure jokalariengan. Hau da, jokalariek ez dute ez eskarmenturik ez entrenamendurik jasoko partida horietan, eta partidetan erabilitako antolaketak ez du eskarmenturik jasoko; ezta talde giroak eta halakoek.

Xehetasunak

Hemen dituzu txapelketen inguruko zehaztapen guztiak:

• Talde giroa: Talde giroa maila batean egongo da (gustura) txapelketa partidetan.
• Talde segurtasuna: Segurtasuna maila jakin batean (altua) ezartzen da txapelketetako partidetan
• Lesioak: Ez da lesiorik egongo txapelketa partidetan, baina edozein Hattrick "normal"eko jokalariren lesioak eragina izango du eta ezin izango du jokatu.
• Txartelak (Txapelketak): Txapelketek bere txartel sistema propioa dute, eta txartel hori/gorri sistema guztiz desberdina da Hattrick 'normalarekin' alderatuta. Hau da, txapelketan ikusitako txartelek txapelketa horretan eragingo dute soilik (eta ez Ligan edo Kopan). Era berean, Hattricken txartel gorria ikusi duen jokalariak txapelketan joka dezake.
• Txartelak (Eskilarak): Txartelek ez dute inongo eraginik Eskilara txapelketetan.
• Entrenamendua: Jokalariek ez dute entrenamendurik jasoko txapelketa partidetan.
• Eskarmentua: Jokalariek ez dute eskarmenturik jasoko txapelketetako partidetan.
• Hamaikakoak: Hattrick "normaleko" antolaketaren eskarmentua txapelketetako partidetan erabiltzen dugu ere. Dena den, partida horietan ez duzu hamaikakoko eskarmenturik jasoko.

Eskalada lehiaketak

Eskilaretan zure helburua gorenera iritsi eta 'Muinoko erregea' bihurtzea da. Eta gero han ahal duzun gehien mantentzea. Gorenera iristeko, zure gainetik dauden taldeei erronka luzatu behar diezu, haiei postua kentzeko.

Erronken arauak

Eskilaran duzun lekuaren arabera bota ahalko diozu talde bati erronka

Erronka bota duen taldeek ordaintzen du partida, eta erronka jasotzen duenak automatikoki onartuko du. Erronka bota eta 24 ordutara jokatuko da norgehiagoka. Erronka bota duenak irabaziz gero, Kreditua berreskuratuko du.

Posizioak partidaren ondoren aldatzen dira

Talde bati erronka bota eta irabazi egiten badiozu, talde horren postua eskuratuko duzu. Beste taldeak postu bat behera egingo du (eta noski, bi taldeen artean zeudenek ere postu bat behera egingo dute eskilaran).

Adibidea: A Taldea 54. postuan dago eta 47. postuan dagoen B Taldeari erronka botatzen dio. is on position 54 and challenges B, currently 47. A taldeak irabaziz gero, B taldearen 47. postua eskuratuko du. B 48.era jaitsiko da, 48.ena bat beherago, 49.ena 50. bihurtuko da, eta horrela.

Galtzen baduzu, bi taldeak leku berean geratuko zarete.

Erronken graziazko epea

Erronka jaso zenuen partida baten ondoren, beste taldeek 12 ordu itxaron behar dute (norgehiagoka hasi zenetik) berriro zuri erronka bota aurretik. Denbora horretan, zuk zure gainetik dagoen talde bati erronka botatzeko aukera izango duzu eskilaran gora egiteko.

Zuk erronka botatako partida baten ondoren, 12 ordu itxaron behar dituzu (norgehiagoka hasi zen unetik) beste erronka bat bota aurretik. Horrela, beste taldeek zuri erronka botatzeko aukera izango dute. Era honetan, honako aukerak saihestu nahi ditugu: #2k uneoro jarraian botatzen dio erronka #1-i; #3ak ez du inoiz aukerarik #2ari erronka bota eta haren lekua hartzeko).

Selekzioen arteko txapelketak

Selekzioak hiru txapelketa desberdinetan aritzen dira beraien artean. Kontinenteko Txapelketak, Nazioen Txapelketa, eta Munduko Txapelketa. Txapelketen aroa Hattrick-eko bi denboralditan zehar jokatzen da. Lehenik eta behin kontinenteko txapelketak jolasten dira Europa, Amerika, Afrika eta Asia/Oceania zonaldetan banatuta, eta azken txapelketa Munduko Txapelketa izaten da.

Nazioen Txapelketa Munduko Txapelketara sailkatu ez ziren selekzioek jokatuko dutu, besteak Munduko Txapelketa jolasten ari diren bitartean.

Selekzioek Hattrick-eko beste txapelketatik desberdinduta dagoen beraien txartel egoera dute. Selekzioan edo U21 selekzioan jasotako txartelak selekzioen txapelketa horretako partidetarako soilik balio dute. Txapelketa bakoitza bukatzean (edo selekzioa txapelketatik kanpo geratzean) txartel guztiak ezabatzen dira.

Kontinenteetako Txapelketak

Hattrick-eko Selekzio guztiek izango dute beraien Kontinenteko Txapelketan parte hartzeko aukera. Txapelketa hauek 6 taldetako multzotan jokatzen dira. Taldeak Selekzioen Sailkapenaren arabera (behean informazio gehiago) sortuko dira.

Kontinenteko Txapelketak joan eta etorriko partidak izango ditu eta 10 astez luzatuko da. Final laurdenak, final erdiak, eta final nagusia azken astean jokatuko dira.

Kontinente bakoitzeko 8 talde onenek (postua, puntuak, gol desberdintasuna eta sartutako gol kopurua kontutan hartuta) final laurdenak, final erdiak eta finala jokatuko dituzte eta beste selekzioetako entrenatzaileek lagunarteak jokatzeko aukera izango dute ostiralean. Final laurdenetan 4 talde onenek (postua, puntuak, gol desberdintasuna, sartutako gol kopurua kontutan hartuta eta zozketa bidez beste dena berdinduta badago) 4 talde txarrenen aurka jokatuko dute. Multzo bereko bi talde ez dira elkarren aurka arituko. Irabazela kontienentko txapeldun izendatuko da, eta urrezko garaikurra emango saio. Zilarrezko eta brontzezko garaikurrak emango zaizkio bigarren, hirugarren eta laugarren geratzen diren taldeei.

Munduko Txapelketa

Munduko Txapelketa lehenengo denboraldiko 13. astean hasten da eta lehenengo eta bigarren denboraldietan zehar jokatzen da. Lehendabizi 5 erronda ditu eta bukatzeko finalerdiak eta final handia jokatzen dira.

96 taldek parte hartzen dute lehenengo errondan, 6 taldeko 16 taldetan banatuta. Talde bakoitzeko lehenengo 4 taldeak bigarren errondara sailkatuko dira. Besteak txapelketatik kanpo geratuko dira.

Bigarren errondan 4 taldeko 16 multzo egongo dira eta multzo bakoitzeko lehenengo 2 taldeak hirugarren errondara sailkatuko dira.

Hirugarren errondan 4 taldeko 8 multzo egongo dira. Hauek arerio bakoitzaren aurka partida bakarra jokatuko dute zelai neutral batetan. Multzo bakoitzeko 2 talde onenak laugarren errondara sailkatuko dira.

Laugarren eta bostgarren errondek 4 eta 2 multzo izango dituzte. Talde guztiek beraien multzoko beste taldeen aurka partida bakarra jokatuko dute zelai neutral batetan. Multzo bakoitzeko lehenengo bi taldeak hurrengo errondara sailkatuko dira.

Finalerdiak eta finala zelai neutraletan jokatuko dira. Finaleko txapelduna Munduko Txapeldun izendatuko da, eta urrezko garaikurra jasoko du. Zilarrezko eta brontzezko garaikurrak egongo dira bigarren eta hirugarren geratzen diren taldeentzat.

Erronda bakoitzaren aurretik talde giroa eta talde segurtasuna guztiz edo parte baten behintzat berrezarriko dira. Adibidez, talde giroa une honetan 9koa bada berrezartze balioa 5 bada, %80ko berrezartzean badago, zure talde giroa (9 - 5) * 0.8 = 3.2 maila jeitsiko da. Kontuan izan oinarrizko balioa beti 5ekoa dela bat talde segurtasuna eta baita talde giroarentzako ere.

Nazioarteko Txapelketa

Munduko Txapelketarako sailkatzen ez diren taldeek Nazioen Txapelketan hartuko dute parte. Txapelketa hau Munduko Koparen data berdinetan jokatzen da. Txapelketa honek Suitzar formatua erabiliko du (Supporter-en asteko Txapelketaren formatuaren antzekoa)

Hau ez da galtzaileentzako sari bat bakarrik, talde txikiagoentzako garrantzitsua izan daiteke, txapelketa honetan lortutako postua ondorengo kontinenteko txapelketako norgehiagokak aukeratzeko erabiliko da eta. Nazioen Txapelketa bukatzean, Munduko Txapelketaren final erdiak eta finala jokatzen direnean, txapelketa honetak lehenengo 8 taldeek ere kanporaketak dituen txapelketa bat jokatuko dute eta irabazleak garaikurra jasoko du. 4 talde onenek (posizioan, puntuetan, gol diferentzian, goletan, ausaz beste guztiak berdinak badira) finel-laurdenetara sailkatu ziren beheko 4 taldeei egin beharko diete aurre arerioa ausaz erabakiko delarik.

Nazioen Txapelketan, jokalariak ezin dira lesionatu, baina txartelak beste edozein txapelketatan bezala funtzionatuko dute. Formakuntzetako eskarmentua Kontinenteko Txapelketan lortutakoa izango da, Munduko Koparen aurretik berrezartzeko aukera egongo da, eta gero beti bezala partida bakoitzaren ondoren berriztatuko da.

Txapeldunak Nazioen Kopa garaikurra jasoko du.

Munduko Txapelketarako sailkapena

96 talde sailkatzen dira Kontinenteko Txapelketatik Munduko Txapelketara.

Kontinente bakoitzak bere Munduko Txapelketarako postuak ditu, beraien Kontinenteko Txapelketan posturik onena lortzen duten taldeentzako. Europak 32 postu ditu, Asia-Ozeaniak 21, Afrikak 12 eta Amerikak 20.

Kontinenteko Txapelketa bidez sailkatu ez diren talde batzuk Munduko Txapelketarako gonbidapen berezia jasoko dute. 11 talde sailkatuko dira era honetan. 11 talde hauek aukeratzeko sailkatu ez diren 22 talde onenek (beraien postuak, puntuak, aldeko eta aurkako golak, eta sartutako golak kontuan hartuta) playoff bat jokatzeko aukeratuak izango dira.

Gonbidatuen Playoff-etan, aurreko Munduko Kopetako emaitzen arabera sailkapen onena duen taldea sailkapen txarrena duenaren aurka lehiatuko da, bigarren onena bigarren txarrenaren aurka, eta horrela 11 kanporaketak zehaztu arte. Playoff hau joan eta etorriko partidetan jokatuko da. Taldearen segurtasuna eta giroa lehenengo partida baino lehen berrezarriko dira. Berdinketa egon eskero, bigarren partidak prorroga eta penalti jaurtiketak izango ditu.

Selekzioen sailkapena

Selekzio bakoitzak Kontinenteetako Txapelketako multzoen partaideak erabakitzeko erabiliko den sailkapen bat du. Azken bost denboraldietako emaitzen araberako sailkapena da, baina partida berrienek partida zaharrek baino efektu handiagoa dute sailkapenean.

3 faktorek aldatzen dute sailkapena: partidako emaitza (E), partidaren garrantzia (G) eta arerioaren indarra (I). Zehatz-mehatz sailkapena ondorengo formula honekin kalkulatu daiteke: P = E x G x I

I faktorearen balioa kalkulatzeko, arerioaren postuaren zenbakia kentzen diogu 250 zenbakiari.

Beraz, sailkapena azken bost denboraldietako puntuen (P) batazbestekoa da. Azken denboraldikoek 100% balioa izango dute, aurreko denboraldikoek 70%, 50%, 30% eta 20% duela bost denboraldiko puntuek. Sailkapena partida bakoitzaren ondoren berriztatuko da.

Kontinenteko Txapelketaren zozketa

Kontinenteko Txapelketetako zozketarako Selekzioen Sailkapena erabiliko da. Honela, ontzi bakoitzean zein selekzio sartu behar den erabakiko da. Multzo bakoitzeko lehenengo postua sailkapeneko lehenengo taldeentzako izango da. Lehenengo taldea lehenengo multzora, bigarren taldea bigarren multzora... Gero, multzo bakoitzean 6 talde daudenez, 5 ontzi zozketatuko dira, multzo bakoitzeko beste postu bakoitzerako ontzi bat. Ontzi bakoitzeko taldeak sailkapeneko postuaren arabera erabakiko dira. Adibidez, Amerikako Txapelketan, 6 taldeko 5 multzo ditugu. Multzo bakoitzeko lehen postuak Sailkapenean lehenengo 5ak diren taldeek hartuko dituzte. Gero, 6.etik 10.era dauden taldeak lehenengo ontzian sartuko dira, 11.etik 15.era dauden taldeak bigarren ontzian. Eta horrela ontzi guztiak bete arte.

Munduko Txapelketako zozketa

Talde batek denboraldiko sailkapenean lortzen duen emaitza erabakiorra izango da Munduko Txapelketako zozketa egiteko orduan. Munduko Txapelketako lehenengo errondan 16 multzo egongo dira eta multzo bakoitzeko lehenengo taldea automatikoki hautatuko da. Kontinenteko Txapelketako Eurapako sailkapen onena duen taldea (EU#1 beheko taulan) beti izango da 1. Multzoko lehen hautatua, eta Amerikako Txapelketako 8. sailkatua beti izango da 16. multzoko lehenengo hautatua.

Multzo bakoitzeko lehenengoak hautatu ondoren, beste taldeak zuzenean jarraitu ahal izango den zozketa baten bitartez aukeratuko dira. Kontinenteko Txapelketasko sailkapena oso garrantzitsua izango da, baina zuzenean multzo batera joan beharrean, selekzioaren izena ontzi baten edo bestean dagoen erabakitzeko balioko dute. Beheko taulara begira, "2. Taldea" zutabean, lehenengo ontzian zein lau talde sartuko diren ikusi dezakegu. Hauek, Afrikako 8, 7, 6 eta 5. sailkatuak izango dira. Ontzi honetatik 1, 2, 3, eta 4 Multzoetara pasako dira, zozketa bitartez. 4 talde berri sartuko dira bigarren ontzi batetan, 5, 6, 7, eta 8 Multzoetara pasatzeko. Prozesu honek 16 multzoetako talde guztiak aukeratu arte segiko du.

Sistema bideratu hau kontinente indartsuenetako talde indartsuenak multzo berdinean ez hasteko egiten da. Baina aldi berean, zorteak ere zerikusia izan zezan nahi genuen, entrenatzaileek nahita Kontinenteko Txapelketan postu zehatz bat bilatu ez dezaten Munduko Txapelketari begira. Zuzeneko zozketa ere interesgarriagoa egiten du.

EU: Europa
AME: Amerika
AFR: Afrika
ASO: Asia / Ozeania
G: Gonbidapen postua

Hauteskundeak

Hauteskundeak denboraldi hasieran egiten dira, Munduko Txapelketaren finala jokatu eta bi egun beranduago. Bi denboralditik behin selekzioko entrenatzailea eta 21 urtetik beherakoen selekzioko entrenatzailea aukeratzen dira. Bi denboraldi igaro ondoren, hurrengo Munduko Txapelketa bukatu eta berriro hauteskundeak egongo dira. Kontuan izan Hattrick-en gutxienez urtebete pasa behar duzula Selekzioko hauteskundeetan parte hartu ahal izateko.

Botoa haztatzea

Hauteskunde bakoitzean behin baino ezin duzu bozkatu. Dena den, bozka batek beste batek baino balio handiagoa izan dezake. Bozka sistemak jokoari konpromisua saritzen du, baina sistema hau erabiltzearen arrazoia batez ere tranpak ekiditea da.

Zure lehenengo taldea duzun herrialdean bozka bat emateko eskubidea jasoko duzu denboraldi bat eta gero. 5 denboraldi pasa ondoren zure bozkak balio bikoitza izango du, 10 denboraldi pasa ondoren balio hirukoitza eta lauko balioa 15 denboraldi pasa ondoren. Modu honetan, lehen taldea duzun herrialdean 4 bozka "emateko" aukera izango duzu.

Beste herrialde batetan talde gehigarri bat baduzu (Hattrick Internazional kontuan hartu gabe) bi denboraldi pasa ondoren jasoko duzu bozkatzeko eskubidea. Zure bozkak balio bikoitza izango du 10 denboraldi pasa ondoren.

Erabiltzaile guztiek bi konpromisu bozka jaso ditzakete, beraien jardueraren arabera. Ez dugu guztiz azalduko bozka hauek lortzeko zer egin behar den, inork tranparik egin ez dezan, baina talde bat era arruntean daraman edozein erabiltzailek arazo gabe lortu ahalgo ditu. Talde faltsuak mantententzen bazabiltza hauteskundeetan bozka gehiago izateko asmoz ordea, oso zaila izango da puntu hauek lortzea. Kontuan izan erabiltzaile bezala ez duzula jakingo zure bozkak zenbat balio duen, sistemaren funtzionamendua ez dugulako azaldu nahi.

Selekzioko jokalariak

Selekzioko entrenatzaileak nazionalitate egokia duten 26 jokalari aukeratu ditzake (benetako jabeak dituzten taldeetatik). 21 urtetik berakoen selekzioko jokalariek gutxienez 19 urte izan behar dituzte eta Selekzio nagusiko jokalariek gutxienez 22. Aukeratu ondoren, selekzioko entrenatzaileak bere taldeko entrenatzaileek ikusi dezaketen informazio berdina ikusteko aukera dauka.

Selekzio bakoitzak bere formakuntzetako eskarmentua du, eta Kontinenteko eta Munduko/Nazioen txapelketa bat hasi baino lehen selekzioko entrenatzaileek astebete edukiko dute eskarmentu nabarmena zein 6 formakuntzetan eduki nahi duten aukeratzeko, eta beste guztiak pobrea mailan hasiko dira. Bi aukeraketa epe daude: Lehenengoa hauteskundeak bukatu bezain laster hasten da eta talde giroa eta segurtasuna lehenengo partidaren aurreko egunean reseteatuko dira. Bigarrena 12. astean hasiko da, talde giroa eta segurtasuna 13. astean reseteatuko da. Kontuan izan selekzio taldeen eguneratzeak egunero 03:00etan egiten direla.

Selekzioko jokalari bat izatea

Zure jokalarietako bat selekzioan egoteak ez dio zure taldean jokatzea sahiestuko. Selekzioko partidak eta kluben partidak egun desberdinetan jokatzen dira, beraz beti sartu ahal izango duzu hamaikakoan. Selekzioko partidek ez diote entrenamendurik emango, baina, lesionatzeko arriskua egongo da.

Zure jokalariak selekzioarekin partida bat jokatzeak gauza onak ere baditu zure klubarentzako:

- Jokalariaren soldata %33 murriztuko da zure herrialdeko selekzioarentzat jokatzen badabil eta %40 atzerriko selekzio batentzat jokatzen badago.

- Jokalariak experientzia asko lortuko du. Experientzia partidaren motaren araberakoa izango da. Munduko txapelketako finala eta finalerdiak dira experientzia gehien ematen duten partidak, gero Munduko Txapelketako beste partidak, gero Kontinenteko Txapelketako final laurdenak, final erdiak eta finala. Ondoren Kontinenteko Txapelketetako beste partidak, gero Nazioen Kopako partidak eta bukatzeko selekzioen lagunartekoak.

- Jokalari bat lesionatu egiten bada selekzioarekin jolasten zegoela, bere klubak soldataren %100a jasoko du lesioak irautea espero den aste bakoitzeko. Soldata honen jeitsiera, jeitsiera arruntari gehitzen zaio.

Ez dago lesiorik selekzio nazionalen lagunartekoetan.

Kontuan izan ez dituzula selekzio baten aukerak murriztu behar zure taldeko jokalaria gaizki zainduz. Hori egitekotan, Selekzioko Kudeatzaileek jokalaria libre uzteko aukera izango dute.

Zeure burua hautagai gisa aurkeztu nahi baduzu, edo informazio gehiago jaso nahi baduzu, selekzioen arauak irakurtzea gomendatzen dizugu.

Munduko Txapelketako Egutegia - 1. Denboraldia

Munduko Txapelketako Egutegia - 2. Denboraldia

Partiduak

256 taldek har dezakete parte Mastersean eta 8 kanporaketako zuzeneko txapelketa bezala jokatzen da. Kanporaketa bakoitzeko zozketa erabat ausazkoa da, eta partidak zelai neutralean jokatzen dira.

Lehen erronda betetzeko nahikoa talde ez badaude, zorteko talde batzuk (zozketaz hautatuak) ez dute lehen errondarik jokatuko eta zuzenean bigarren errondan hasiko dira. Kopa eta liga txapeldunen bat jaberik gabe geratu bada (edo jabe berria jaso badu) ez du Mastersa jokatuko. Talderen batek denboraldi berean kopa eta liga irabazten badu, talde hori izango da bere herrialdetik Mastersa jokatuko duen bakarra.

Txapelketaren arau bereziak

Mastersean arau berezi batzuk daude indarrean:

Txartelak eta min hartzeak: Txartelek ez dute eraginik (gorriek partidan bertan duten eragina izan ezik, noski), baina min hartzeek normal eragiten dute.

Partidaren garrantzia: "Hil ala bizi" (MOTS) edo "Lasai" (PIC) jokatuz talde giroa ez da partida normalen ondoren bezain beste igoko/jaitsiko. Partidan zehar duen eragina, berriz, beste partidetakoa bezalakoa izango da.

Entrenamendua: Masterseko partidak ez dira kontuan hartzen jokalari baten entrenamendua kalkulatzean.

Masterseko irabaziak

Zaleen irabaziak erdibana banatzen dira etxekoen eta bisitarien artean. Talde onenek sari gisa diru saria jasoko dute, jarraian ikus dezakezunez.

Hattrick Masterseko irabazleak 800 000 US$ irabazten du, txapeldunordeak 400 000 US$ eta finalerdietako galtzaileek 200 000 US$. Final-laurdenetan galdu duten taldeek 100 000 US$ irabaziko dute eta final-zortzirenetan kanporatuta geratu direnek 50 000 US$.

Talde gehigarri bat hasi

Edozein unetan has dezakezu talde gehigarria. Talde horrek zure talde nagusiaren herrialde berean joka dezake, edo nahiago izanez gero, beste batean, lekurik egonez gero, noski.

Talde gehigarriek diru apur bat izango dute hasieran (bestelako talde guztiek bezala), baina erabiltzeak ez du manager baimena atera beharrik.

Arau orokorrak

Bi talde gehigarri izan ditzakezu.

Ezingo duzu inongo salerosketarik egin zure taldeen artean, eta ezta zure beste taldeak aurreko jabea edo jatorri taldea izateagatik dirua jasoko lukeen jokalarien truke eskaintzarik egin.

Talde gehigarria herrialde berean

Zure lehen eta bigarren taldeak ezingo multzo berean jokatu, promozioetan elkarren aurka jokatu, ezta Kopan elkarren aurka jokatu ere (finalean izan ezik). Bi taldeek dibisio berean joka dezakete, baina multzo ezberdinetan. Erabiltzaile bereko hiru talde finalaurrekoetara iritsiko balira, argi dago horietako bik elkarren aurka jokatuko luketela.

Bi taldeetako batek mailarik altuenean jokatzen badu eta beste batek mailaz igotzea lortzen badu, ez zaio igotzeari utziko. Bere ordez, jaitsi beharko luketenen taldeak beteko du hutsune hori, sailkapeneko postu gorenean amaitu baitzuen.

Bi taldeak lehen mailara denboraldi berean igotzen badira, talde nagusia igoko da soilik.

Talde gehigarria beste herrialde batean

Herrialde batean "atzerriko" erabileentzat libre dauden talde gehigarriak, herrialde horretan erabili gabe dauden taldeen araberakoa da. Herrialdearen tamainan eta dituen erabiltzaileen araberakoa izango da.

Taldeen %50a, gutxienez, lekuko erabiltzaileentzat gorderdik dago. Beraz, 168 klubeko liga batean, gutxienez horietako 84k etxeko erabiltzaileak izango dituzte (eta beste 84 lekuetan edozein erabiltzaile egon daiteke, etxekoa edo atzerrikoa). Baina herrialde bat %90ean bete bada, geratzen diren hutsuneak etxeko erabiltzaileentzat gordeko dira.

Multzoz aldatzen

Talde gehigarriek multzoz alda dezakete (hori posible denean) denboraldien arteko tartean horretarako ahalbidetzen den orrian; beti ere, zure beste talde bat multzo berean ez badago, jakina.

Ikurrinak

Ikurrinak bereizita biltzen dira, talde gehigarriek euren bilduma propioa daukate.

Talde gehigarri baten aurka jokatzean, ikurrina berdin-berdin jasoko da, eta talde gehigarriak ere jasoko du beste bandera.

Lorpenak

Lorpenak erabiltzaileak eskuratzen ditu, eta ez talde bakoitzak.

Hauteskundeetan bozkatzen

Talde gehigarri bat baduzu (Hattrick Internazional ligan izan ezik), bi denboraldi pasa ondoren bozkatzeko eskubidea izango duzu eta hamar denboraldi pasa ondoren zure bozkak balio bikoitza izango du.

Porrot egitea

Talde nagusiak porrot egiten badu, ezingo duzu talde gehigarrian sartu.

Porrot egiten duena talde gehigarria bada, hura hasi eta 16 aste geroago ireki dezakezu talde gehigarri berri bat (beraz, hura ireki zenuenetik 16 aste baino gehiago pasa badira, une horretan has dezakezu talde berria).

Talde gehigarria itxi

Talde gehigarria edozein unetan itxi dezakezu. Baina, talde gehigarria isten baduzu, gutxienez 16 aste itxaron beharko dituzu berri bat irekitzeko. Kontuan izan ezin duzula taldea itxi jokalariak salgai dauden bitartean.

Platinum / Diamond harpidetza amaitzea

Platinum edo Diamond harpidetza amaitzen bazaizu, talde gehigarriaren erabiltzaile izaten jarraituko duzu astebetez. Aste hori amaitzerakoan ezingo duzu taldea gehiago kudeatu. Harpidetza amaitu eta 7 astera sistemak zure talde gehiagarria ezabatuko du. 7 aste horien barruan Platinum harpidetza berriro eskuratzen baduzu, talde gehigarria kontrolatu ahalko duzu. Baina ez baduzu Platinuma tarte horretan eskuratzen, talde gehigarria jaberik gabe geratuko da, eta ezingo duzu gehiago erabili.